ავსტრიაში გარდაცვლილი 23 წლის სოფო ლოლაშვილი სამშობლოში დღეს დილით ჩამოასვენეს. ინფორმაცია „ნიუპოსტს“ გარდაცვლილის ოჯახის ახლობლებმა დაუდასტურეს.

მათი ინფორმაციით, ცხედარი რუსთავში, გარდაცვლილის სახლშია გადასვენებული. ლოლაშვილს სამშაბათს დაკრძალავენ.

ავსტრიის ქალაქ გრაინთან ახლოს მდინარე დუნაიში სოფო ლოლაშვილი გარდაცვლილი იპოვეს. გავრცელებული ინფორმაციით, იგი მდინარეში დაიხრჩო. ცნობილია, რომ სოფიკო ლოლაშვილმა ვენაში ოჯახი, სადაც ის ოპერად მუშაობდა, 29 აპრილს დღის მეორე ნახევარში დატოვა. გოგონა მატარებლით გაემგზავრა, სადაც ის გერმანული ენის კურსებს უნდა დასწრებოდა. თუმცა გოგონა ადგილზე არ მისულა. მისი ბოლო ადგილსამყოფელი გრაინში, 18:00 საათზე ფიქსირდება.