ლაგოდეხში სტიქიამ ხუთი სოფელი დააზარალა. წვიმამ ათეულობით საცხოვრებელი სახლის პირველი სართულები და სარდაფები დატბორა.

მოვარდნილმა წყალმა შინაური ფრინველი და საქონელი დახოცა. მოსახლეობას სანიაღვრე არხების გაწმენდის პრობლემა აქვს. დატბორილია სასოფლო–სამეურნეო სავარგულები და ვენახებიც. განადგურდა ბოსტნეული, საზამთროსა და სხვა კულტურების ნარგავები.

როგორც ადგილობრივ ხელისუფლებაში აცხადებენ, სტიქიის ზონებში წყლის ამოტუმბვისა და გაწმენდითი სამუშაოების ჩასატარებლად სპეციალური ტექნიკა მუშაობს.