ქუთაისში პარლამენტის შენობასთან საპროტესტო აქცია მიმდინარეობს. ადგილზე იპოთეკით დაზარალებულები არიან შეკრებილი. ისინი ხელისუფლებისგან წინასაარჩევნი დაპირებების შესრულებას მოითხოვენ. ადგილზე შეკრებილებმა პროტესტის ნიშნად „ქართული ოცნების“ დროშა ფეხით გათელეს.

"ბიძინა ივანიშვილი შაჰაბასია. ხელისუფლებამ იმის მაგივრად, რომ დაზარალებულების პრობლემებზე იზრუნოს, ვისაც სახლებიდან ასახლებენ, თბილისში ევროპის რეკონსტრუქციის ბანკს მასპინძლობენ და მილიონობით ლარს ხარჯავენ“, - ამბობს აქციის ერთ-ერთი ორგანიზატორი გოგი წულაია. მათი მოთხოვნების შეუსრულებლობის შემთხვევაში აქციის მონაწილეები ფართომასშტაბიანი აქციებით იმუქრებია.