20 წლის წინ დაშვებულმა უზუსტობამ ხატია ვოლნისტის ცხოვრება მთლიანად შეცვალა. დაბადებისას გოგონას სქესი მამრობითი ჩაუწერეს. 5 წლის ბავშვის დედა დღემდე იმის დამკიცებას ცდილობს, რომ ქალად დაიბადა და სქესი არ შეუცვლია.

ყველაფერი ზუგდიდში ახალშობილის რეგისტრაციის დროს დაიწყო. ხატიას დაბდების მოწმობის გრაფაში შეცდომით სქესი - მამრობითი მიუთითეს. 16 წლისამ, პირადობის მოწმობის აღებისას აღმოაჩინა, რომ იურიდიულად მამაკაცია და ქალის სტატუსით ვერც ერთ საბუთს ვერ აიღებს.

„უკვე ხუთი თვის ბავშვი მყავს და აღრიცხვაზე ვერ ამყავს. მე თვითონაც ყველაფერში პრობლემა მექმნება, ვერ ვისწავლე, საზღვარს ვერ გადავკვეთად და რაც ყველაზე დიდი პრობლემაა, არანაირი დაფინანსება და დაზღვევა არ მეკუთვნის. ვარსებობ, მაგრამ არ ვარსებობს“, - ამბობს ხატია ვოლნისტი.

ხატიას ინტერესებს „თავისუფალი უნივერსიტეტის“ სამართლის კლინიკა იცავს.

ადვოკატები ამბობენ, რომ სახელმწიფო სერვისების სააგენტოს ხარვეზის გამოსწორების თხოვნით არაერთხელ მიმართეს, მაგრამ უწყებამ ხატიას ან კაცად დარჩენას სთავაზობს ან ქალობის სასამართლოს გზით დამტკიცებას.