ევროპის რეკონსტრუქციისა და განვითარების ბანკი საქართველოს ენერგეტიკული პროექტების განსახორციელებლად 150 მილიონს გამოუყოფს.

ამის შესახებ ვიცე-პრემიერმა კახი კალაძემ განაცხადა.

მისი თქმით, დარიალის ჰიდროელექტროსადგურის განხორციელებაზე უკვე გამოყოფილია 50 მილიონი.

„85 მილიონი გამოყვეს „ტატა ჯგუფის“პროექტზე, რომელიც აჭარაში ხორციელდება. ასევე, დღეს ჩვენ ხელს მოვაწერთ ურთიერთგაგების მემორანდუმს, რომელიც ითვალისწინებს 30 მილიონის ინვესტიციას. ეს არის პირველი პროექტი საქართველოში - ქარის ელექტროსადგური, რომელიც 20 მეგავატი სიმძლავრის იქნება და 2016 წელს პროექტი დასრულდება" - განაცხადა ენერგეტიკის მინისტრმა კახა კალაძემ.

ასევე EBRD ინფექციური საავადმყოფოს ტერიტორიაზე ახალი კლინიკის მშენებლობას დააფინანსებს. ეკონომიკის მინისტრის თქმით, ეს შესაძლებლობა ქვეყანამ მაქსიმალურად უნდა გამოიყენოს.

„12 მილიონ დოლარიანი შეთანხმება ფორმდება ინფექციური კლინიკის ტერიტორიაზე ახალი კლინიკის მშენებლობისთვის, რასაც ევროპის რეკონსტრუქციისა და განვითრების ბანკი დააფინანსებს," - განაცხადა კვირიკაშვილმა.