მთავრობა იმედოვნებს, რომ ლარის კურსი უახლოეს პერიოდში არათუ დასტაბილურდება, არამედ უკან დაიწევს.

ამის შესახებ ფინანსთა მინისტრმა ნოდარ ხადურმა განაცხადა.

მისი თქმით, ეროვნული ვალუტის გაუფასურება გარე შოკებით არის გამოწვეული.

ფინანსთა მინისტრის თქმით, ლარის კურსზე, ეკონომიკური ფაქტორების გარდა, ფსიქოლოგიური ფაქტორებიც მოქმედებს, რის გამოც ხადური ექსპერტებს, აღნიშნულ თემაზე არაარგუმენტირებული შეფასებებისგან თავის შეკავებისაკენ მოუწოდებს.

„საქართველოს მთავრობა ყველაფერს აკეთებს, რომ უახლოეს მომავალში კურსის დასტაბილურება მოხდეს. მეტსაც გეტყვით, ჩვენ იმედი გვაქვს, რომ ის არათუ დასტაბილურდება, კურსმა უკან უნდა დაიწიოს. კურსზე, ეკონომიკური ფაქტორების გარდა, ფსიქოლოგიური ფაქტორებიც ახდენს გავლენას. ამიტომ მინდა ვთხოვო იმ ადამიანებს, ვისაც აქვთ პრეტენზია, რომ შეუძლიათ ყველაფერზე გააკეთონ კომენტარი - მათი განცხადებები იყოს უფრო არგუმენტირებული“, - განაცხადა ხადურმა.