ქობულეთში ადგილობრივმა ხელისუფლებამ სასტუმროების მეპატრონეებს რამდენიმე რეკომენდაცია მისცა. მათ შორის არის ხანძარსაწინააღმდეგო ინვენტარის შეძენა და ელექტროსადენების შემოწმება.

შეხვედრაზე, სადაც აღნიშნულ საკითხზე მსჯელობდნენ გადაწყდა, რომ ტურისტული სეზონის დაწყებამდე ყველა სასტუმრო შემოწმდება. ამ ყველაფერს თვალყურს სპეციალისტებით დაკომპლექტებული კომისია მიადევნებს.

„უნდა შეიქმნას სპეციალური სამუშაო ჯგუფი გამგეობაში, სადაც შესაბამისი პროფილის მქონე სპეციალისტები იქნებიან, რომლებიც გადაამოწმებენ ქობულეთში არსებულ ყველა სასტუმროს და დადებენ შესაბამის დასკვნას“, - ქობულეთის მუნიციპალიტეტის საკრებულოს თავმჯდომარემ სულხან ოქროპირიძემ.

შეგახსენებთ, აღნიშნული საკითხი დღის წესრიგში მას შემდეგ დადგა, რაც ქობულეთში, სასტუმრო „არმაზში“ ხანძარს სამი მოზარდი ემსხვერპლა.