ის, რომ დღეს ჩვენ წარმატებული საწარმო გვაქვს შექმნილი EBRD-ის დამსახურებაა- ჩოჩელი

საზოგადოება - 19:16, 13 May, 2015

1311

"ქართული ლუდის კომპანიას" რომელიც ბაზარზე „ზედაზენის“ სახელითაა წრმოდგენილი, დღეს საქართველოში მყოფი ევროპის რეკონსტრუქციისა და განვითარების ბანკის (EBRD) წარმომადგენლები ესტუმრენ, მათ ლუდსახარშის საწარმო დაათვალიერეს და წარმოების პროცესს უშუალოდ გაეცნენ.

როგორც "ქართული ლუდის კომპანიის" სამეთვალყურეო საბჭოს თავმჯდომარემ ცეზარ ჩოჩელმა ჟურნალისტებთან საუბრისას განაცხადა, EBRD-ი კომპანიას წარმოების პროცესში ფინანსურად დაეხმარა. ჩოჩელის თქმით, EBRD-ი კომპანიის კაპიტალში 3 მილიონი დოლარით შევიდა, რის შემდეგაც კომპანიაზე 8 მილიონ დოლარამდე სესხი გასცა. ცეზარ ჩოჩელის თქმით, რომ არა EBRD-ის მიერ გაწეული დახმარება შესაძლოა კომპანია „ზედაზენს“ განვითარების ამ ეტაპისთვის დიდი ხნის შემდეგ მიეღწია.

"EBRD-ი დაახლოებით 3 მლნ დოლარით შემოვიდა კაპიტალში და ასევე სადღაც 7-8 მლნ დოლარის სესხი მოგვცა. გარდა ფულისა მნიშვნელოვანი იყო ის უნარ-ჩვევები, რომელიც უნდა ახასიათებს თანამედროვე ბიზნესს - ესაა გამჭვირვალობა. ჩვენ ყოველთვის ვცდილობდით, რომ ყოფილიყო ჩვენი კომპანიების მუშაობა გამჭვირვალე.

"EBRD არის ორგანიზაცია, რომელსაც აქვს დიდი წვლილი შეტანილი საქართველოში ბიზნესის განვითარებისთვის. დღეს თუ ითვლება, რომ ჩვენი ჯგუფი წარმატებულია, ამაში დიდი დამსახურება EBRD-ისაა. ერთ-ერთი პირველი წარმატებული პროექტი EBRD-სთვის იყო ჩვენი პროექტი. დღევანდელი ვიზიტის მიზანია, EBRD-ის წარმომადგენლებმა ნახონ, თუ რა დონის საწარმოებია საქართველოში შექმნილი. მინდა აღვნიშნო, რომ დელეგაციის მასპინძლობა ქართული ბიზნესისთვის საკმაოდ მნიშვნელოვანი ღონისძიებაა, რადგანაც EBRD-დან საკმაოდ ფართო შემადგენლობაა ჩამოსული საქართველოში,“-განაცხადა ცეზარ ჩოჩელმა.