დაავადებათა კონტროლის ეროვნული ცენტრის დირექტორის ამირან გამყრელიძის თქმით, საქართველოს მასშტაბით C და B ჰეპატიტის გავრცელების ეროვნულ პოპულაციური კვლევა იწყება.

მისი თქმით, კვლევის მიზანი C და B ჰეპატიტის გავრცელების შესწავლაა.

„ქვეყნის მასშტაბით შემთხვევითობის პრინციპით შეირჩა 7000 ინდივიდი, მათ ჩაუტარდებათ გამოკვლევა C და B ჰეპატიტზე. კვლევის განსახორციელებლად CDC-ის და NCDC-ის მიერ სპეციალურად გადამზადდა 20 ინტერვიუერი და 20 ფლებოტომისტი, რომლებიც საქართველოს ყველა რეგიონში და თბილისში შეაგროვებენ მონაცემებს და სისხლის ნიმუშებს შერჩეული ინდივიდისგან. ინფორმაციის შესაგროვებლად გამოყენებული იქნება სპეციალური კითხვარი, რომლებიც დამტკიცდა ემორის უნივერსიტეტის და დაავადებათა კონტროლის ეროვნული ცენტრის ბიოეთიკის კომისიების მიერ. კვლევა თბილისში დაიწყო და 19 მაისს დასრულდება, ხოლო შემდეგი ჯგუფები გავლენ რეგიონებში და 12 აგვისტოს ჩათვლით იმუშავებენ“, - განაცხადა გამყრელიძემ.