გიორგი გუდაძის ოჯახის წევრები სამართალდამცავებს ნარკოტიკის "ჩადებაში" ადანაშაულებენ

საზოგადოება - 18:40, 12 May, 2015

2115

გუშინ დაკავებული გიორგი გუდაძის დედა - ირინა მდივანი მისი შვილის დაკავებას უსამართლოდ მიიჩნევს.
როგორც ირინა მდივანი განმარტავს, მის შვილს ნარკოტიკთან არანაირი შეხება არ აქვს და ნარკოტიკი მას პოლიციელებმა ჩაუდეს.

„ღამის 12-ის ნახევარზე ჩემთან მოვიდა 10 პოლიციელი, არ ჰქონდათ არც დაკავების ოქმი და არც რაიმე საბუთი, იმყოფებოდა გამომძიებელი, რომელმაც თქვა, რომ აქვე გააფორმებს საბუთებს და ეს არის ჩხრეკის ოქმი მისთვის ამის პარალელურად აყვანილი იყო გიორგი, ოღონდ ამათმა მხოლოდ ის იცოდნენ, რომ აყვანილი იყო ნარკოტიკის შეძენა-შენხვის ფაქტზე. გეტყვით, რომ გიორგიზე გასული თვეების განმავლობაში ზეწოლა ხორციელდებოდა. არსებული ზეწოლის გამო გიორგი გუდაძე თანამშრომლობდა გენინსპექციასთან, კერძოდ ვარლამ ხათრიძესთან, რომელსაც მასზე არსებული ზეწოლის შესახებ აცნობა კიდეც. დღეს საღამოს გადის პირობითი სასჯელის ვადა და აუცილებელი იყო ამ ვადის გაცოცხლება, ამის გამო გუშინ დაიდგა სპექტაკლი და გიორგის ჩაუდეს ნარკოტიკი", - განაცხადა მდივანმა.

გუდაძე სამართალდამცავებმა ნარკოტიკული ნივთიერების შეძენა-შენახვის ბრალდებით გუშინ დააკავეს.

გიორგი გუდაძეს სამი თვის წინ ვაკის საცურაო აუზთან რამდენიმე ტყვია ესროლეს. გუდაძის ოჯახის წევრები და მეგობრები დაკავებას ამ ფაქტს უკავშირებენ და აცხადებენ, რომ სამართალდამცავები გუდაძისგან რამდენიმე თვის განმავლლობაში მის დაჭრაში კონკრეტული პირის დადანაშაულებას მოითხოვდენ.

გიორგი გუდაძემ შიმშილობა გამოაცხადა, იგი თავს უდანაშაულოდ მიიჩნევს.