ქობულეთში სასტუმრო „ხასანის“ მფლობელის შერმადინ ართმელაძის თქმით, ხანძარ ელექტროგაუმართაობით არ გაჩნდებოდა. მისი თქმით, ამას ელექტრიკიც ადასტურებს.

„ბათუმიდან ყველაზე მაგარი ელექტრიკი მოვიყვანე. ხანძარი, რომ ელექტროსისტემის ბრალი ყოფილიყო, დენი ჩვენთანაც გაითიშებოდა. დენიდან ეს გამოწვეული არაა.

დღეს გავიგეთ ესეთი რამ - პარკთან ხომ ჩამოდიან ბავშვები, თითებზე იკეთებენ ქაღალდებს და სწვავენ ერთმანეთს, თუ რას შვრებიან არ ვიცი. ოთხი საათი იყო, ეს ამბავი რომ მოხდა, პატრული მოვიდა, ცეცხლიაო. ეს ბავშვები, ყველა გამოვიყვანეთ, ოთახი გავტეხეთ, მაგრამ შიგნით აღმოჩნდა სამი ბავშვი. მეოთხე უნდა ყოფილიყო ერთი ბავშვის და, 23 წლის, რომელიც სვამდა და ქეიფობდა სხვა ოთახში, მეორე სართულზე“, - ამბობს ართმელაძე.

ქობულეთში, სასტუმრო ”არმაზში” გაჩენილმა ხანძარმა სამი არასრულწლოვანის სიცოცხლე იმსხვერპლა.

მოზარდები ბათუმში, კონცერტის გასამართად რუსთავიდან ჩავიდნენ და ქობულეთში სასტუმრო არმაზში იყვნენ დაბინავებულები.

ტრაგედიის გამომწვევი ზუსტი მიზეზი ამ დრომდე უცნობია, თუმცა ერთ-ერთი ვერსიით ოთახში კონდიციონერი იყო ჩართული, რის შედეგადაც ხანძარი გაჩნდა.