დავით ნარმანიამ ფაშიზმზე გამარჯვების 70-ე წლისთავი ვეტერანებს ვაკის პარკში

საზოგადოება - 17:51, 09 May, 2015

922

თბილისის მერმა დავით ნარმანიამ მეორე მსოფლიო ომის ვეტერანებს ფაშიზმზე გამარჯვების 70-ე წლისთავი მიულოცა. თბილისის მერმა სრულიად საქართველოს კათოლიკოს-პატრიარქ ილია მეორესთან, პრემიერ-მინისტრ ირაკლი ღარიბაშვილთან და საქართველოს მთავრობის წევრებთან ერთად ვაკის პარკში უცნობი ჯარისკაცის საფლავი გვირგვინით შეამკო და დაღუპულ გმირებს პატივი მიაგო.

„ჩვენთვის და ჩვენი შვილებისთვის სამაგალითოა თითოეული თქვენთაგანის ბრძოლა და შემართება, რომელიც დღემდე მოგყვათ. რომ არა ერთმანეთის გვერდში დგომა, განსაკუთრებული სიყვარული და სამშობლოს მიმართ მაღალი პატრიოტიზმი, ეს ბრძოლა ასე არ დაგვირგვინდებოდა“ - განაცხადა დავით ნარმანიამ მისასალმებელ სიტყვაში. როგორც დედაქალაქის მერმა აღნიშნა, თბილისის მერია ცენტრალური ხელისუფლებასთან ერთად გვერდში უდგას მეორე მსოფლიო ომის ვეტერანებს და ასე იქნება მომავალშიც.

მისივე თქმით, ვეტერანების ყოფითი პრობლემები და სოციალურ საკითხებთან დაკავშირებული ნებისმიერი საკითხი სწრაფად და ეფექტურად გადაიჭრება.

თბილისის მერმა მეორე მსოფლიო ომის მონაწილეებს მხნეობა და დიდხანს სიცოცხლე უსურვა და მათ პატივსაცემად გამართულ კონცერტს დაესწრო.