ოზურგეთის სამედიცინო ცენტრთან გარდაცვლილი მშობიარეს ახლობლებმა აქცია გამართეს. ისინი საავადმყოფოს სამეანო განყოფილების ექიმს უყურადღებობაში ადანაშაულებენ.

ქუთაისის ინტერვენციული საავადმყოფოში 30 წლის ჩოხატაურელი ქალბატონი, ოზურგეთის სამედიცინო ცენტრიდან ორი კვირის წინ გადაიყვანეს, სადაც ის ღვიძლის ატროფიით გარდაიცვალა.

"პაციენტი დილის 3 საათზე სასწრაფო დახმარების ბრიგადის მიერ იქნა გადმოყვანილი მკვდარი ნაყოფით. შემოყვანისთანავე დაიწყო ღონისძიებები, რომ მოხდარიყო ნაყოფის გამოძევება. 15 საათზე აღენიშნა ღვიძლის და თირკმელის უკმარისობა, შესაძლებელი იყო დასჭირვებოდა ხელოვნური თირკმლის აპარატი, რის გამოც გადაყვანილი იქნა ქუთაისის ინტერვენციულ ცენრში, სადაც ღვიძლის ატროფიით გარდაიცვალა.” – აცხადებს ოზურგეთის სამედიცინო ცენტრის დირექტორი, დავით მდინარაძე.

თეა იოსელიანი - გურია