,,თეთრი პერანგები“ - რუსთავი2-ის ჟურნალისტების ორიგინალური პასუხი თამარ კორძაიას

საზოგადოება - 12:57, 08 May, 2015

20510

ტელეკომპანია რუსთავი2-ის ეთერში, სამშაბათს გასულ გადაცემა "არჩევანში" - მოსახლეობის საკმაოდ მძიმე, სოციალური რელობა გაშუქდა.
გადაცემაში გავიდა, რუსთავი2-ის სხვადასხვა ჟურნალისტის მიერ მომზადებული სიუჟეტები, რომელიც ასახავდა ამა თუ იმ რეგიონში მცხოვრები მოსახლეობის უკმაყოფილებას მთავრობისადმი. აღნიშნულთან დაკავშირებით, ფრაქცია "ქართული ოცნების" წევრმა თამარ კორძაიამ სოციალურ ქსელში კომენტარი დაწერა, სადაც, მან აქცენტი ჟურნალისრტების ჩაცმულობაზე გააკეთა და არასწორად მიიჩნია გაღატაკებულ ხალხში, "თეთრი პერანგებით" სიარული.
"საინტერესოა ის, რომ ამ ტალახსა და წვიმაში, ამ გაღატაკებულ ხალხში, რომელთაც მართლა ძალიან უჭირთ, ტელევიზიის წამყვანები გახამებული, გაქათქათებული პერანგებით რომ დადიან. სხვაობა აშკარაა წამყვანებსა და რესპონდენტებს შორის. იმედია, თვითონაც კარგად გაეცნენ მათ ყოფას და მომავალ რეპორტაჟებში სხვაობა მათსა და რესპონდენტებს შორის, ასეთი თვალისმომჭრელი აღარ იქნება" - აღნიშნა თამარ კორძაიამ.
დეპუტატ თამარ კორძაიას კრიტიკას რუსთავი2-ის ჟურნალისტებმა დღეს ,,თეთრი პერანგების" აქციით უპასუხეს და შესაბამისი ფოტოები სოციალურ ქსელში გაავრცელეს.