ჩხოროწყუს მუნიციპალიტეტის რაიონის სოფელ ლესიჭინეში, მე-6 კლასელმა ბიჭმა თავი ჩამოიხრჩო. შემთხვევა გუშინ მოხდა. მან მეზობლის ეზოში თავი ჩამოიხრჩო. ამ ფაქტის მიზეზს ვერავინ ხსნის. გიორგობის ბრწყინვალე დღესასწაულის აღსანიშნავად მეგობრებისთვის საჩუქრები დაურიგებია და თითქოს გამოთხოვებასავით ყველას სიყვარულს ეფიცებოდა თურმე. როგორც დამრიგებელი, ბელა ვეკუა "კვირის პალიტრასთან" საუბარში ამბობს, ნიკუშა არაჩვეულებრივად ხატავდა და მის გულჩათხრობილობასაც მასწავლებლები სწორედ ამას აბრალებდნენ.

„გულჩათხრობილი ბავშვი იყო, ძალიან უყვარდა ხატვა და ბრწყინვალედაც გამოსდიოდა. როგორც იცით, მიიჩნევა, რომ ხელოვანები მაინც და მაინც მხირულები არ არიან და ნიკოლოზის გულჩათხრობილობასაც ამას ვაწერდით. მისი მოწყენილობის მიზეზი, ალბათ უფრო ის იყო, რომ მშობლები არ ჰყავდა და ენატრებოდა. ბიჭს ბებია და ბაბუა ზრდიდა, დედის მხრიდან. ისინი სულ ეფერებოდნენ და მეც ჩემებურად ვიკრავდი გულში, მამა რამდენიმე წლის წინ გარდაეცვალა, დედის მზრუნველობაც აკლდა... სულ ვესიყვარულებოდი, ვერასდროს ვიფიქრებდი, რომ ბავშვი თოკს დაიჭერდა ხელში და თავს ჩამოიხრჩობდა. ადამიანს აღარ ვგავართ აქ არავინ, ამ ამბავს როგორ გადავიტანთ, არ ვიცი...“, - ამბობს ვეკუა.

მომხდარზე გამოძიება 115-ე, თვითმკვლელობამდე მიყვანის მუხლით მიმდინარეობს.

წყარო: კვირის პალიტრა