გიორგი კვირკიკაშვილამა ინფრასტრუქტურულ პროექტებზე ისაუბრა

ბიზნესი & ეკონომიკა - 20:05, 07 May, 2015

1206

ვიცე-პრემიერმა, ეკონომიკისა და მდგრადი განვითარების მინისტრმა პარლამენტის საკომიტეტო მოსმენაზე სამთო კურორტების განვითარების მიმართულებებზე ისაუბრა. გიორგი კვირიკაშვილის განცხადებით,გასულ წელს სამთო კურორტების მიმართულებითძირითად ინფრასტრუქტურაში ძალიან მნიშვნელოვანი ინვესტიციები განხორციელდა. ,,ეს იყო ხელოვნური გათოვლიანების აპარატურის დამონტაჟება გუდაურსა და ბაკურიანში (დიდველზე). წელს ჩვენ დავასრულებთ და გავაგრძელებთ ასევე, გუდაურის მეორე ტრასაზე ამ აპარატურის დამონტაჟებას. ასევე, გუდაურსა და ბაკურიანში წელს დასრულდება ორი ხელოვნური ტბის მშენებლობა. რათა უკვე სრულყოფილად დაიწყოს ამ სისტემამ ფუნქციონირება. ასევე, წელს დასრულდება გუდაურში დამატებით ერთი სათხილამურო საბაგირო გზის დამონტაჟება, ასევე ბაკურიანში წელს აღდგება კოხტას ტრადიციული ტრასა და ამ ტრასის სიგრძეუფრო გაგრძელდება. ეს ნამდვილად ახალ, მეორე სუნთქვას შესძენს ბაკურიანის კურორტს,-‘’განაცხადა გიორგი კვირიკაშვილმა.

ვიცე-პრემიერის თქმით, კოხტას რეაბილიტაციის პროექტს მთავრობა ,,თიბისი ჯგუფთან“ ერთად განახორციელებს.,,მინდა აღვნიშნო, რომ ჩვენ უკვე მივაღწიეთ საჯარო-კერძო პარტნიორობის მოდელს კერძო კომპანიასთან. ეს არის ,,თიბისი ჯგუფი“, რომელთან ერთადაც გავიყოფთ ამ ინვესტიციების ტვირთს და ეს ჯგუფი განახორციელებს 500 სასტუმრო ოთახის მშენებლობას კურორტ ბაკურიანში.ეს დაგეგმარდება საუკეთესო ალპიური სტანდარტების მასტერფლენინგის კომპანიების მიერ. რაც თვისობრივად შეცვლის მთლიანად ამ კურორტს. ასევე, უნდა აღინიშნოს, რომ ბაკურიანში წელს დამონტაჟდება გერმანული კომანიის მიერ ზაფხულის ატრაქციები. რაც ამ კურორტს კიდევ უფრო განუმტკიცებს4 სეზონიანი კურორტის იმიჯს,-‘’განაცხადა გიორგი კვირიკაშვილმა.

ვიცე-პრემიერმა ასევე, იმ უმნიშვნელოვანეს ღონისძიებაზე ისაუბრა, რომელიც პირველად, მთის კურორტების მიმართულებით საქართველოუმასპინძლებს. ,,ძალიან მნიშვნელოვანია აღინიშნოს, რომ 2017 წელს საქართველოში ევროპისა და აზიის მესამე სამთო კურორტების კონფერენცია ჩატარდებება. რაც საქართველოს ტურისტული სამთო-სათხილამურო კურორტების იმიჯს კიდევ ერთხელ განამტკიცებს,-‘’განაცხადა გიორგი კვირიკაშვილმა.