ეკონომიკისა და მდგრადი განვითარების სამინისტრო 2015 წელს თბილისი-მოსკოვის საჰაერო რეისებით მგზავრთა გადაყვანის შესახებ სტატისტიკურ მონაცემებს აქვეყნებს.

სტატისტიკის მიხედვით, 2015 წლის იანვარ-აპრილის პერიოდში წინა წლის ანალოგიურ პერიოდთან შედარებით, თბილისი - მოსკოვის საჰაერო ხაზზე მგზავრთა გადაყვანა 59 პროცენტით გაიზარდა.

მონაცემების თანახმად, 2015 წლის საანგარიშო პერიოდში ორივე ქვეყნის მიერ დანიშნული ავიაკომპანიის მიერ გადაყვანილია – ჯამში 62,569 მგზავრი, რაც 59 პროცენტით მეტია 2014 წლის ანალოგიურ პერიოდთან შედარებით (39,273 მგზავრი).

როგორც ეკონომიკიკს სამინისტროში ვარაუდობენ, აღნიშნული მიმართულებით, მგზავრთა ნაკადის კიდევ უფრო მატება მოსალოდნელია ზაფხულის სეზონზე.

სტატისტიკა მომზადებულია თბილისის საერთაშორისო აეროპორტიდან მიღებული მონაცემების საფუძველზე, ნათქვამია ეკონომიკისა და მდგრადი სამინისტროს მიერ გავრცელებულ განცხადებაში.