"ბრავო რექორდსი" ყველაზე დიდი Record Label-ების წარმომადგენელი გახდა

კულტურა - 13:55, 05 May, 2015

1061

2015 წლიდან „ბრავო რექორდსი“ გახდა მუსიკალურ ინდუსტრიაში მსოფლიოში ყველაზე დიდი Record Label-ების Sony Music Entertainment-ის, Warner Music-ისა და Universal Music Group-ის, ასევე მსოფლიოში უდიდესი Publisher-ების Warner/Chappell Music-ისა და Universal Music Publishing Group-ის წარმომადგენელი და უფლებადამცველი საქართველოში, რაც გულისხმობს იმას, რომ „ბრავო რექორდსი“ არის უფლებამოსილი სუბიექტი გასცეს ამ გიგანტი კომპანიების რეპერტუარში შემავალი მუსიკალური ნაწარმოებების რეკლამაში, კინოფილმებში, თამაშებსა და სხვა ნებისმიერ აუდიო-ვიზუალურ ნაწარმოებში ჩართვის (გამოყენების) უფლება. ჩამოთვლილი კომპანიების რეპერტუარი კი, მთელს მსოფლიოში არსებული მუსიკალური რეპერტუარის დაახლოვებით 90%-ია.

აღნიშნულ ფაქტთან დაკავშირებით საქართველოში მოქმედ ყველაზე დიდ სარეკლამო კომოანიებთან: Windfors Georgia-სთან, JWT Metro-სთან და ABK Advertising-თან გაფორმდება ურთიერთთანამშრომლობის მემორანდუმი სინქრონიზაციის უფლების დაცვის კუთხით თანამშრომლობასთან დაკავშირებით, ასევე ხელი მოეწერება 4 სალიცენზიო შეთანხმებას, რომელიც პრეცედენტულ ხასიათს ატარებს.

აღნიშნული 2015 წლის 26 აპრილს, ინტელექტუალური საკუთრების უფლების საერთაშორისო დაცვის დღესადმი მიძღვნილი დაწყებული დიდი კამპანიის ნაწილია, რომელიც ემსახურება ევროკავშირთან ასოცირების ხელშეკრულების იმპლემენტაციას, კონკრეტულად კი, საავტორო და მომიჯნავე უფლებების დაცვას საქართველოში.

შეხვედრას დაესწრებიან საქართველოს ინტელექტუალური საკუთრების ეროვნული ცენტრის იურიდიული დეპარტამენტის უფროსი, საქართველოს საავტორო უფლებათა ასოციაციის თავმდჯომარე - გიგა კობალაძე და სარეკლამო კომპანიების წარმომადგენლები.