პირი, რომლებიც ხაშურისა და დაბა სურამის ტერიტორიაზე არსებულ ქუჩებში, სკვერებში, ბულვარში, საზოგადოებრივი თავშეყრის სხვა ადგილებში, საერთო სარგებლობის ეზოებში ბინათმესაკუთრეთა ამხანაგობის თანხმობის გარეშე, საერთაშორისო მნიშვნელობის გზების ორივე გვერდულის გასწვრივ გამწვანების, ზოლში წვრილფეხა და მსხვილფეხა რქოსან პირუტყვს იყოლიებს დაჯარიმდება.

დადგენილება ამის შესახებ აზრთა სხვადასხვაობის მიუხედავად ხაშურის საკრებულოს სხდომაზე იქნა მიღებული.

დეპუტატების ნაწილი ტერმინოლოგიის შეცვლას ითხოვდა, თუმცა საბოლოოდ ხმათა უმრავლესობით საკითხი დამტკიცდა.

"კანონდარღვევად ჩაითვლება თუ საერთაშორისო გზების ორივე გვერდულის გასწვრივ, გამწვანების ზოლში ადამიანი აბალახებს საქონელს რომელიც იწვევს იმ ტერიტორიის დაბინძურებას, გამწვანების ზოლის მოშლას, დანაგვიანებას. ზედამხედველობის სამსახური ამას გააკონტროლებს ძალიან მარტივად, რამოდენიმეჯერ გაივლის ელემენტარულად, თუ დაინახავს კაცს რომელიც ძროხასთან ერთად მიდის და გამოიარა და დაინახა რომ აღარ არის ის კაცი ესეიგი წავიდა ხო? თავის გზაზე სადაც მიჰყავს ეს პირუტყვი. თუ რამოდენიმე გადამოწმების შედეგად ეს საქონელი მაინც დგას, ბალახობს ან მეთვალყურეობის ქვეშ არის ან უმეთვალყურეოდ კანონდარღვევად ჩაითვლება“- ამბობს ხაშურის ზედამხედველობის სამსახურის უფროსი თეიმურაზ ლომუაშვილი.

გიორგი ახალკაცი „ნიუპოტი“ შიდა ქართლი.