ექსკლუზივი: ტრაგედია, რამაც მთელი ოჯახი იმსხვერპლა

ექსკლუზივი: ტრაგედია, რამაც მთელი ოჯახი იმსხვერპლა - რა მოხდა სოფელ ორულში

საზოგადოება - 20:44, 04 May, 2015

15412

რა მოხდა ზუგდიდის რაიონის სოფელ ორულში და რა ისტორია უძღვოდა წინ მამაკაცის დაჭრას, რომელმაც ერთი ავარიის შედეგად ოჯახური ტრაგედია დაატრიალა. 2 თვეში დაკარგული და, დისშვილი დედა და მამა...

გავრცელებული ინფორმაციით დღეს მომხდარი დაჭრის მიზეზი შურისძიება გახდა. თუმცა ,,ნიუპოსტისთვის“ ცნობილი გახდა, რომ ეს არც შურისძიება ყოფილა და არც გამიზნული ქმედება, არამედ ორიოდ თვის წინ დატრიალებული ტრაგედია, რამაც მთელი ოჯახი შეიწირა.

უბედური შემთხვევა ჯოლოხავების ოჯახში დატრიალდა. დაახლოებით 2 თვის წინ ავტოსაგზაო შემთხვევა მოხდა, რა დროსაც ავტომანქანა 48 წლის ქალბატონს დაეჯახა. ავარიის შედეგად ქალბატონი ამ დრომდე კომაში იმყოფებოდა, რომელსაც მისი 22 წლის ვაჟიშვილი უვლიდა. ქალბატონის დედა მისი შვილის ავარიაში მოხვედრიდან მალევე გარდაიცვალა, ხოლო დედის მკურნალობისთვის უსახსრობის გამო, ნერვიულობის ნიადაგზე ახალგაზრდა ბიჭმა თავი მოიკლა. ფინანსების არქონის გამო, შვილის თვითმკვლელობის შემდეგ ქალბატონი ექიმებმა აპარატიდან გამორთეს და ის, დღეს დილით გარდაიცვალა. მის გარდაცვალებას კი შედეგად მოჰყვა ის, რომ დღესვე, მამამ შვილის და შვილიშვილის უბედურებას ვერ გაუძლო და დაიღუპა.

გარდაცვლილი ქალბატონის ძმები, რომლებიც ოჯახური ტრაგედიით უმძიმეს ემოციურ მდგომარეობაში იმყოფებოდნენ, ავტომანქანის მძღოლს, რომელმაც მათი და იმსხვერპლა, უყურადღებოდ დატოვების გამო უსაყვედურეს, რაც მთელი ოჯახის ტრაგედიით დასრულდა.

ჯოლოხავების საყვედურს დაპირისპირება მოჰყვა რა დროსაც, ქალბატონის ერთ-ერთ ძმას თავში ვაზა ჩაარტყეს, ხოლო მეორე ძმამ თავდაცვის მიზნით დანა მოიქნია, რომელიც ავტომანქანის მძღოლს და თავის დროზე დამნაშავეს მოხვდა. ,,ნიუპოსტის“ ინფორმაციით, მამაკაცმა მსუბუქი ჭრილობა მიიღო, ოპერაცია ჩუატარდა და მისი მდგომარეობა ამდ როისთვის სტაბილურია. როგორ ,,ნიუპოსტისთვის“ გახდა ცნობილი, ერთ-ერთი ძმა ჯოლოხავა არსად გაქცეულა და მომხდარის შემდეგ პოლიციაში თავად მივიდა.