ფოტოკონკურზე “ქოლგას” ძირითად ნომინაციაში პირველად ქართველმა გაიმარჯვა

კულტურა - 15:38, 02 May, 2015

1764

1 მაისს, KOLGA TBILISI PHOTO 2015 დაიწყო საერთაშორისო ფოტოკონკურსი „ქოლგას“ წლის საუკეთესო ფოტოების ჩვენებით და გამარჯვებულთა დაჯილდოებით. ცერემონიალი Rooms Hotel Tbilisi-ის ეზოში შედგა.

მონაწილეთა მრავალფეროვნებამ და ფოტოკონკურსის საერთაშორისო დონემ განაპირობა კონკურსში მიღებული ფოტოების მაღალი ხარისხი. წლევანდელი ფოტო კონკურსის გამარჯვებულები წელსაც საერთაშორისო ჟიურიმ გამოავლინა. გამარჯვებულები არიან:

• დოკუმენტური სერია- ნენსი ნიუბერი (აშშ)

• რეპორტაჟი - ვალერი მელნიკოვი (რუსეთი)

• კონცეპტუალური ფოტოპროექტი - ვავჟინეც კოლბუჟი (პოლონეთი)

• ერთი კადრი - ენსოფი კესტელეინი (ბელგია)

• „ჯეოსელის“ მობილური ფოტო:

-ქვე-ნომინაცია: მობილური ფოტო სერია -მატია ვაკა (იტალია)

-ქვე-ნომინაცია: მობილური ერთი კადრი - ანა სვანიძე (საქართველო)

მაღალი კონკურენციის პირობებში, აღსანიშნავია, რომ ბოლო 3 წლის განმავლობაში ფოტოკონკურსის ძირითად ნომინაციაში წელს პირველად გაიმარჯვა ქართველმა მონაწილემ (ანა სვანიძემ).

ფოტოკონკურსი “ქოლგას” საპრიზო ფონდი შეადგენს 6 000 აშშ დოლარის ექვივალენტს ლარში და ეს თანხა ოთხ ნომინაციაში გამარჯვებულებს თანაბრად გაუნაწილდათ. "ჯეოსელის" მობილური ფოტო ნომინაციის კატეგორიაში გამარჯვებულებს (ქვენომინაციებში: ერთი კადრი და მობილური ფოტო სერია) გადაეცათ სპეციალური პრიზი "ჯეოსელისგან" მობილური ტელეფონი Iphone 6.