ბარნოვის ქუჩის 3 ნომერში ჩამოშლილი გზის შესახებ, ადგილობრივები მთავრობას უყურადღებობაში ადანაშაულებენ. 19 აპრილის ინციდენტის შემდეგ, ქუჩა გადაკეტილია და შეზღუდულია მოძრაობა.

მოსახლეობას, დღეს საკრებულოს უმცირესობის წარმომადგენლები - სევდია უგრეხელიძე და ირაკლი აბესაძე შეხვდნენ. ისინი მერიისგან დაუყოვნებლივ რეაგირებას ითხოვენ. როგორც ერთ- ერთმა ადგილობრივმა მაცხოვრებელმა - თამარ უგრეხელიძემ განაცხადა, საჭიროა მერიამ დაუყოვნებლივ მიხედოს 3 ნომერში მდებარე სახლს, რადგან ამას ვერც კერძო ინვესტორი იზამს და ვერც ამხანაგობა.

თბილისის საკრებულოს ფრაქცია „ნაციონალური მოძრაობის“ თბილისის თავმჯდომარე, ირაკლი აბესაძე კი აცხადებს რომ კერძო ინვესტორთან კინკლაობას შესაძლოა მძიმე შედეგი მოჰყვეს, ამ ეტაპისთვის კი დაუყოვნებელი რეაგირებაა საჭირო.

„გზის რღვევა და ჩანგრევა მუდმივად მზარდი პროცესია და ის შეჩერებული არ არის, თბილისის მერმა კეთილი უნდა ინებოს და გამოყოს ბიუჯეტიდან თანხები გზის აღსადგენად, ეს პირდაპირ მერიის ვალდებულებაა. რაც შეეხება მიმდინარე მშენებლობას და მასთან დაკავშირებულ სამართლებრივ პრობლემებს ეს შემდგომ გაარკვიოს მერიამ და ნუ შეწირავს ამ ადამიანების საცხოვრებელ სახლებს, ჯანმრთელობას და კერძო ინვესტორთან კინკლაობას სეიძლება მძიმე შედეგი მოყვეს. გვაქვს მარტივი მოთხოვნა - აღადგინოს გზა და აღასრულონ დაკისრებული მოვალეობა „ - განაცხადა გიორგი აბესაძემ.

შეგახსენებთ, რომ რამდენიმე წლის წინ მერიის მიერ მაღალსართულიანი საცხოვრებელი შენობის მშენებლობის ნებართვა გაიცა. მოგვიანებით მოსახლეობის საჩივრის საფუძველზე დარღვევები გამოვლინდა და მშენებლობის ნებართვა გაუქმდა. სწორედ დაწყებული სამუშაოების შედეგად გათხრილი საძირკველი გახდა ბარნოვის ქუჩაზე გზის ჩამოშლის მიზეზი.

რუსუდან ქიმერიძე