სოფლის ტურიზმის ხელშეწყობა შავი ზღვის აუზის რეგიონში

ბიზნესი & ეკონომიკა - 14:43, 02 May, 2015

15641

ბოლო რამდენიმე წლის განმავლობაში სოფლის ტურიზმის პოპულარობა განსაკუთრებით გაიზარდა განვითარებულ ქვეყნებში.
ხმაურიანმა ცხოვრებამ, რუტინამ და სტრესმა ქალაქის მაცხოვრებლებს უბიძგა დროის რაღაც ნაწილი გაეტარებინათ სოფლად, სადაც მათ დახვდებოდათ მეგობრული გარემო, რომელიც ცოტა ხნით დაავიწყებდა ყოველდღიურ ყოფით პრობლემებს. თუ თქვენი მიზანია “ამ ყველაფრისგან თავის დაღწევა”, მაშინ შავი ზღვის აუზის რეგიონის ქვეყნები სწორედ თქვენთვის შესაფერისი ადგილია!

ეს გასაოცარი ადგილები სავსეა სოფლის ტრადიციებით და ხელუხლებელი ბუნებით. სტუმრებს საშუალება ეძლევათ იმოგზაურონ სოფელიდან სოფელში, დააგემოვნონ ეკოლოგიურად და ბიოლოგიურად სუფთა, სახლში მომზადებული სადილები და შეიგრძნონ ნამდვილი “სოფლის ცხოვრება”.

“ინოვაციური სოფლის ტურიზმის ხელშეწყობა შავი ზღვის აუზის რეგიონში (PIRT)”, თანადაფინანსებული შავი ზღვის ერთობლივი სამოქმედო პროგრამის მიერ არის ევროკავშირის ერთ-ერთი პროექტი, რომელიც მიმართულია რეგიონული და საზღვრისპირა თანამშრომლობის მხარდაჭერისაკენ შავი ზღვის აუზის ოთხი ქვეყნის: სომხეთის, ბულგარეთის, თურქეთისა და საქართველოს ეკონომიკური და სოციალური განვითარებისაკენ.

პროექტის პარტნიორებმა: ჰეიფერ სომხეთმა, ჰეიფერ საქართველომ, ვარნას ეკონომიკური განვითარების სააგენტომ (ბულგარეთი) და გუმუშანეს ეროვნულმა საგანმანათლებლო დირექტორატმა (თურქეთი) გააერთიანეს თავიანთი რესურსები და ჯერ ინდივიდუალურად, ხოლო შემდეგ უკვე ერთობლივად, შექმნეს სოფლის ტურიზმის ქსელი, რათა ხელი შეწყობოდა ერთობლივ ინიციატივებს და სოფლის ტურიზმის ტრადიციულ პროდუქტს. პროექტის ფარგლებში შემუშავდა ახალი რეგიონული, ტურისტული პროდუქტი სახელად “რეგიონული სტუმრის პაკეტი”, რომელიც წაახალისებს და მხარს დაუჭერს ტურისტების შიდა ნაკადებს შავი ზღვის აუზის რეგიონში, რათა შედგეს პროექტში ჩართული ადგილობრივი მოსახლეობის მაქსიმალური თანამშრომლობა პროექტში მონაწილე ქვეყნებთან და მათ უცხოელ პარტნიორებთან.

თუ გსურთ უფრო მეტი გაიგოთ შავი ზღვის აუზის რეგიონში ინოვაციური სოფლის ტურიზმისა და ტურისტული პაკეტის შესახებ, ეწვიეთ PIRT პროექტის ვებ-გვერდს: www.blackseatourism.org