ლანჩხუთის მინიციპალიტეტის პატარა სოფელი ქვიანში ახალაგზარდა ქალმა, ორი მცირეწლოვანი შვილის დედამ თავი მოიკლა. მომხდარით შეძრულია ოჯახი, მთელი სოფელი, ამბობენ, რომ 32 წლის ქალს ამის მიზეზი არ ჰქონდა... გარადაცვლილს მშვიდ, მხიარულ და გაწონასწორებულ ადამიანად მიიჩნევდნენ... ყველას ერთი კითხვა აწუხებს - რა მოხდა?!

„გოგო 15 წლის გათხოვდა, შვილი 8 წელიწადი არ ჰყავდა, ალბათ ამ ხნის განმავლობაში დარდს ატარებდა, თუმცა არ იმჩნევდა, ოჯახიც გვერდით ედგა. ცოლ-ქმრის ჩხუბი და აყალ-მაყალი არავის გაუგია. პირიქით, რაც ჩვენ ვიცით და გარედან ჩანდა, მუდამ ქმრის გვერდით იყო, ყანაშიც ერთად მუშაობდნენ და ლხინშიც ერთად იყვნენ.…დედამთილ-მამათილი თბილი და ტკბილი ხალხია, რასაც ვუყურებდით სიამატკბილობა ჰქონდათ ოჯახში. ნათიას ორი ობოლი დარჩა, ერთი 6 წლისაა, მეორე კი - წლისა და 7 თვის...მისი სიკვდილის დღეს მისი ქმარი და ძმები კარტოფილს თესავდნენ, დაღლილები დაბრუნებულან შინ, მათთან ერთად იყო, სადილი მოუმზადა, ვიდრე აბაზანაში შევიდოდა 15 წუთით ადრე მამამთლის ყავა მოუდუღა თურმე... მერე უთქვამს, - ახლა აბაზანაში შევალ და დავიბანო. რომ დაიგვიანა და არ გამოვიდა, ქმარმა დაუძახა, კარგა ხანს ეძახა თურმე, რომ არ გამოეპასუხა, კარი შეამტვრია... სააბაზანოში შესულებს საშინელის სურათი დახვდათ ქალს თოკი ჩაემობა და თავი ჩამოეხრჩო...“, - ამბობს „კვირის პალიტრასთან“ საუბარში გარდაცვლილის ახლობელი.

წყარო: კვირის პალიტრა