დევნილთა და განსახლების მინისტრი - სოზარ სუბარი დღეს ზუგდიდში იმყოფებოდა, მას თან გერმანული ორგანიზაციის წარომადგენლები ახლდნენ , რომლებმაც ზუგდიდში დევნილთა ბინების მშენებლობა დააფინანსეს. ბინებში 320 ოჯახია ჩასახლებული. მინისტრის განმარტებით, მან გერმანული ორგანიზაციის წარმომადგენლებთან ერთად, ახალი საცხოვრებელი ადგილის გარდა, ძველი საცხოვრებელიც დაათვალიერა.

ლტოლვილებისთვის განკუთვნილი ბინების მშენებლობა მიხეილ სააკაშვილის პრეზიდენტობის პერიოდში, 2011 წელს დაიწყო.

როგორც ცნობილია, დევნილების ის ნაწილი, რომლებსაც მძიმე სოციალური მდგომარეობა აქვთ, სოზარ სუბართან შესახვედრად მივიდნენ, მათ სურდათ მინისტრისთვის წერილები გადაეცათ და ცხოვრების მძიმე პირობებზე ესაუბრათ. თუმცა პოლიციამ მათ ამის საშუალება არ მისცა და სოზარ სუბართან არ მიუშვეს. როგორც ცნობილია, სუბარი შემოვლითი გზით მივიდა დანიშნულების ადგილამდე და ცენტრალური გზა არ გაუვლია.

აქცია ამ დრომდე გრძელდება, აქციის მონაწილეებს შორის იმყოფებიან ინვალიდები და მცირეწლოვანი ბავშები. ინციდენტის ადგილზე მობილიზებულია პოლიცია ,დაახლოებით 150-მდე სამართალდამცავი პირი, ისინი ცდილობენ მონაწილეები დაშალონ.

გავრცელებული ინფორმაციით, სოზარ სუბარმა ტერიტორია ისე დატოვა რომ აქციის მონაწილე დევნილებს არ შეხვედრია .