თამარაშვილის 13-ში ხეების მოჭრის შესახებ დღეს გიორგობიანი განმარტებებს გააკეთებს

საზოგადოება - 10:22, 29 Apr, 2015

1024

დღეს თბილისის მერიის ეკოლოგიისა და გამწვანების სამსახურის უფროსი - ბიძინა გიორგობიანი საკრებულოში სიტყვით წრსდგება, საუბრის მთავარი თემა თამარაშვილის 13 ნომერში ხეების მოჭრა იქნება. როგორც ცნობილია, უმცირესობა გიორგიობიანს თანამდებობის დატოვებისკენ მოუწოდებს.
აღნიშნულ თემაზე განცხადება გაავრცელა თბილისის მერიამაც, სადაც ნათქვამია, რომ სამშენებლო კომპანიამ ნარგავების მოჭრის სამუშაოები ნაჩქარევად და გარკვეული პირობების დარღვევით დაიწყო.
თბილისის საკრებულოს გარემოს დაცვის თავმჯოდომარის, შორენა ბუხაშვილის თქმით, აუცილებელია პასუხი გაეცეს მოსახლეობის შეკითხვებს მართლაც უკანონოდ მოხდა თუ არა ხეების მოჭრა.
ბიძინა გიორგობიანის განცხადებით, კი ხეების მოჭრის პროცესი კანონიერად შეჩერდა და ასევე კანონიერად მიმდინარეობს განხილვა.

"მივდივართ მე, მერის მოადგილე და კიდევ რამოდენიმე ადამიანი მოდის, რომ საკრებულოს იმ წევრებს, რომლებისთვისაც ჯერ კიდევ გაურკვეველია ეს საკითხი, თამარაშვილის 13-ში, გავარკვიოთ რა მოხდა. კანონიერად მოხდა შეჩერება ამ პროცესის, ასევე კანონიერად მიმდინარეობს განხილვა - უკვე დიდი ხანია"- გნაცხადა ბიძინა გიორგობიანმა.

შეგახსენებთ, რომ 27 აპრილს „არქი ჯგუფის“ სამშენებლო კომპანია „გრინ-სითიმ“ თამარაშვილის N13-ში ნარგავების მოჭრის სამუშაოები ნაჩქარევად და გარკვეული პირობების დარღვევით დაიწყო და მოსახლეობის პროტესტის ფონზე, ეკოლოგიისა და გამწვანების სამსახურმა ეს პროცესი შეაჩერა.