ვარკეთილში 14 ათასზე მეტი აბონენტი შესაძლოა ბუნებრივი აირის გარეშე დარჩეს

საზოგადოება - 17:45, 28 Apr, 2015

4140

ვარკეთილში 14 ათასზე მეტი აბონენტი ხვალიდან შესაძლოა ბუნებრივი აირის გარეშე დარჩეს. მიზეზი 164 ათასი ლარის დავალიანებაა, რომელიც ადგილობრივ გაზგამანაწილებელ კომპანია "ვარკეთილი აირს", შემსყიდველის, "ყაზტრანსგაზის" მიმართ გააჩნია.

"ყაზტრანსგაზის " განცხადებით კომპანიას არაერთი გაფრთხილება მიეცა, თუმცა დავალიანება ამ დრომდე არ დაუფარავს, შედგეად ხვალიდან მას კომპანია ბუნებრივ აირს აღარ მიაწვდის. ბრალდებებს გაუგებარს უწოდებენ "ვარკეთილ აირში". მენეჯმენტში ამბობენ, რომ მსგავსი შემთხვევა ადრეც ყოფილა და დავალიანებას "ყაზტრანსგაზს" ხელშეკრულების თანახმად, დამატებით დაკისრებული საურავების ჩათვლით უხდიდნენ. დღეს კი გაუგებარია ,რატომ მიმართავს კომპანია მსგავს რადიკალურ ზომებს, მითუმეტეს რომ არსებობდა სიტყვიერი შეთნხმება, რომლის თანახმად დავალიანება 20 მაისამდე უნდა დაეფარათ. "ვარკეთილ აირი" ბუნებრივ აირს ვარკეთილის მესამე კვარტლის 14 ათასზე მეტ აბონენტს აწვდის, დავალიანება კი მოსახლეობის ნაწილის მხრიდან, გადასახადის გადაუხდელობას უკავშირდება. თუ "ყაზტრანსგაზმა" გადაწყვეტილება არ შეცვალა, ხვალიდან ბუნებრივ აირს, ვერც კეთილსინდისიერი გადამხდელები მიიღებენ. საკითხის შესწავლას გეგმავს ენერგოომბუდსმენი.