პრემიერმინისტრი ირაკლი ღარიბაშვილი, საქართველოს მოჭადრაკე ქალთა ეროვნულ ნაკრებს მსოფლიოჩემპიონის ტიტულის მოპოვებას ულოცავს

"ვულოცავ საქართველოს მოჭადრაკე ქალთა ეროვნულ ნაკრებს მსოფლიო ჩემპიონის ტიტულს. ჩინეთში გამართულ მსოფლიო ჩემპიონატზე ქართველმა მოჭადრაკეებმა დაამტკიცეს, რომ მსოფლიოში უძლიერესები არიან. ვულოცავ ნაკრების თითოეულ წევრს, მწვრთნელებს, ყველას, ვინც წვლილი შეიტანა მათ მომზადებაში.

ქართველები ყოველთვის განებივრებული ვიყავით ჩვენი მოჭადრაკე ქალების წარმატებებით. გულშემატკივრები რამდენიმე წელი ელოდნენ ამ დიდ გამარჯვებას. საამაყოა, რომ ახალმა თაობამ მსოფლიო საჭადრაკო ასპარეზზე ღირსეული ადგილი დაიბრუნა. გულითადად ვულოცავ მათ ამ დიდ წარმატებას და კიდევ ბევრ გამარჯვებას ვუსურვებ" - პრემიერ მინისტრის განცხადებაში.

საქართველოს ქალ მოჭადრაკეთა ნაკრები მსოფლიოს ჩემპიონი გახდა. მსოფლიოს ჩემპიონატში საქართველოს სახელით მონაწილე ქალმა მოჭადრაკეებმა გადამწყვეტ შეხვედრაში, ჩინეთის ნაკრები ანგარიშით 2,5:1,5 დაამარცხეს.