ნეპალში მყოფ საქართველოს მოქალაქეებს დახმარების თხოვნით არ მოუმართავთ- საგარეო უწყება

საზოგადოება - 15:58, 25 Apr, 2015

1380

საქართველოს საგარეო უწყების ინფორმაციით, ნეპალში მყოფ საქართველოს მოქალაქეებს საქართველოს საელჩოსთვის დახმარების თხოვნით ჯერჯერობით არ მიუმართავთ.

საქართველო ნეპალთან კავშირს ინდოეთში არსებული საელჩოს მეშვეობით ამყარებს, აღნიშნული უწყებას არ მიუღია შეტყობინება საქართველოს დაშავებული მოქალაქეების შესახებ და არც ვინმეს მიუმართავს დახმარების თხოვნით

ამასთან, უწყებაში განმარტავენ, რომ დღეს გამოცხადდება ცხელი ხაზის ნომრები, რომლითაც საქართველოს მოქალაქეებს შეუძლიათ, დახმარების თხოვნით დიპლომატიურ წარმომადგენლობას მიმართონ.

ნეპალში დღეს მომხდარ ძლიერ მიწისძვრას 100-ზე მეტი ადამიანი ემსხვერპლა. 7,9 მაგნიტუდის სიმძლავრის მიწისძვრის ეპიცენტრი დედაქალაქ კატმანდუდან 77 კილომეტრში იყო, რამაც ბოლო 80 წლის განმავლობაში ყველაზე ძლიერი ნგრევა გამოიწვია.

"კურიერის" ინფორმაციით, ნეპალში ამჟამად იმყოფება საქართველოდან წასული 7-კაციანი ტურისტული ჯგუფი, რომელთა შემადგენლობაში 6 საქართველოს მოქალაქე და 1 უცხოელია. ჯგუფის წევრები ცოტა ხნის წინ საქართველოში ახლობლებს დაუკავშირდნენ. მათი თქმით, ისინი მომხდარის შედეგად არ დაშავებულად და კარგად არიან.