ამსტერდამის ბილეთები და ბევრი მადლობა

ამსტერდამის ბილეთები და ბევრი მადლობა - ჯილდო ნიკოლოზ წულუკიძეს

საზოგადოება - 13:47, 24 Apr, 2015

2653

„მიხარია რომ ყველაზე პრესტიჟული ჯილდოს მფლობელი გავხდი მედიასივრცეში. მიყვარხართ ყველა“ - ამ სიტყვებით ნიკოლოზ წულუკიძე „ოქროს ფრთის“ ჯილდოს აღნიშნავს და მის ირგვლივ შემოკრებილებს მადლობას უხდის.

ნიკოლოზ წულუკიძე: „უღრმესი მადლობა ყველას!!! ჟიურის წევრებს, ორგანიზატორებს, ატლასგლობალს (ამსტერდამის ბილეთებისათვის) და ჩემს საყვარელ რესპოდენტებს, რომელთა დამსახურების გამოც გამოდის ჩვენი გადაცემები ასეთი რეიტინგული და საინტერესო. და რა თქმა უნდა ტელე და რადიო იმედს - ,,ავანსცენასა" და დღის შოუს რუბრიკა -,,პერსონას".

ჟურნალისტთა საერთაშორისო ფონდი „ოქროს ფრთა“ 14 წელია არსებობს და ერთადერთი საპატიო ჯილდოა, რომელიც ყოველწლიურად გადაეცემათ მედიის წარმომადგენლებსა და საზოგადოებისთვის ცნობილ სახეებს.

წელს „ოქროს ფრთის“ მფლობელები ნიკოლოზთან ერთად გახდნენ: სერგი გვარჯალაძე, ლუბა ელიაშვილი, ნანი ბრეგვაძე, ვახტანგ კომახიძე, გია აბდალაძე, გადაცემა „ექიმების“ ჯგუფი, ალექსანდრე კორსანტია, ტელეკომპანია „ჯი დი ეს“-ის სერიალი „ტიფლისი“, ლევან კოღუაშილი, გერმანე გოგლიჩიძე, ზურა ფანქველაშვილი, ელენე ბილიხოძე, ბუბა კუდავა, დავით გერსამია, თამარ გორთამაშვილი, ვაჟა თავბერიძე, ვადიმ ანასტასიადი.