კომპანია "ენერგო პრო ჯორჯია" იყიდება

ბიზნესი & ეკონომიკა - 13:35, 24 Apr, 2015

2296

"ენერგო პრო ჯორჯიას" შესყიდვაზე ინტერესი რამდენიმე უცხოურმა კომპანიამ გამოხატა. კომპანიის საზოგადოებასთან ურთიერთობის სამსახურის ხელმძღვანელი ავთანდილ დვალიშვილი აცხადებს, რომ მოლაპარაკებები პრაღაში, კომპანიის სათავო ოფისში მიმდინარეობს.

მისი ინფორმაციით, ამ ეტაპზე მისთვის უცნობია კომპანია ნაწილობრივ გაიყიდება კომპანია თუ სრულად, ან გაიყიდება გენერაციიის ობიექტები თუ დისტრიბუცია. დვალიშვილი აცხადებს, რომ მოლაპარაკებები 1 კვირაა მიმდინარეობს.

საქართველოს ენერგობაზარზე შემოსვლისას 2007 წელს სს ენერგო-პრო ჯორჯიამ შეიძინა 6 საშუალო ზომის ჰიდროელექტროსადგური (აწჰესი, რიონჰესი, გუმათ ჰესების კასკადი, ძევრულჰესი, შაორჰესი და ლაჯანურჰესი) და 2 ენერგო სადისტრიბუციო კომპანია (აჭარის ენერგო კომპანია და გაერთიანებული სადისტრიბუციო ენერგო კომპანია).

ამჟამად კომანია ფლობს 15 საშუალო და მცირე ზომის ჰიდრო ელექტრო სადგურებს საერთო ჯამური სიმძლავრით 469,25 მგვტ. გენერაციის აქტივები მოიცავენ რიონჰესს (დადგმული სიმძლავრე 48 მგვტ), გუმათ ჰესების კასკადს (1 დადგმული სიმძლავრე 44 მგვტ და 2 დადგმული სიმძლავრე 22,8 მგვტ), შაორჰესი (დადგმული სიმძლავრე 38,4 მგვტ), ძევრულჰესი (დადგმული სიმძლავრე 80 მგვტ), ლაჯანურჰესი (დადგმული სიმძლავრე 112,5 მგვტ), აწჰესი (დადგმული სიმძლავრე 16 მგვტ), იორის კასკადი (სიონჰესი 9.14 მგვტ, საცხენჰესი 14 მგვტ, მარტყოფჰესი 3.84 მგვტ), ჩითახევჰესი (დადგმული სიმძლავრე 21 მგვტ), ორთაჭალჰესი (დადგმული სიმძლავრე 18 მგვტ), ზაჰესი (დადგმული სიმძლავრე 36.8 მგვტ), კინკიშაჰესი (დადგმული სიმძლავრე 1.4 მგვტ) და ჩხორჰესი (დადგმული სიმძლავრე 3.35 მგვტ). გარდა ამისა, კომპანიის საკუთრებაშია გარდაბნის გაზის ელექტროსადგური, 110 მგვტ. დადგმული სიმძლავრით.