"ენერგო-პრო ჯორჯიამ" სემეკ-ს ტარიფის კორექტირების თხოვნით უკვე მიმართა, როგორც "ნიუპოსტთან" საუბრისას სემეკის საზოგადოებასთან ურთიერთობის სამსახურში განაცხადეს, ტარიფის ცვალებადობის შესახებ გადაწყვეტილების მიღების ბოლო ვადა 10 სექტემბერია, ხოლო გაიზრდება თუ არა ტარიფი ეს მას შემდეგ გახდება ცნობილი, რაც შესაბამისი კომისია ვითარებას შეისწავლის.

„აღნიშნულ საკითხზე, ენერგოპრო-ჯორჯიას მომართვასთან დაკავშირებით, ჩვენ დავიწყეთ საჯარო ადმინისტრაციული წარმოება, განვსაზღვრეთ გადაწყვეტილების მიღების ბოლო ვადა - არაუგვიანეს 10 სექტემბრისა, კომისიამ უნდა მიიღოს გდაწყვეტილება, ეს კი მას შემდეგ მოხდება, რაც ჩვენი ტარიფებისა და ეკონომიკური ანალიზის დეპარტამენტი შეისწავლის ვითარებას ტარიფების კორექტირებასთან დაკავშებით.

რაც შეეხება ტარიფის ცვალებადობას, ამ ეტაპზე კომისია ვერ გააკეთებს კომენტარს ვინაიდან ჯერჯერობით მიმდინარეობს შესწავლა, სანამ არ დასრულდება თანდართული დოკუმენტაციის ანალიზი და იმ ხარჯვითი ნაწილის კვლევა , რომელიც წარმოდგენილია კომისიაში. ეს მას შემდეგ მოხდება, რაც ტარიფებისა და ეკონომიკური ანალიზის დეპარტამენტი წარმოადგენს პროექტს საჯარო სხდომაზე. კონკრეტულ მონაცემებზე მსჯელობა საჯაროდ მოხდება.

სემეკის მოვალეობაა, რომ ტარიფი დაითვალოს სწორად - მეთოდოლოგიების საფუძველზე. ეს მეთოდოლოგია კი იძლევა ზუსტი და სამართლიანი ტარიფის დადგენა - გაანგარიშების საშუალებას“ - აცხადებენ სემეკში.

შეგახსენებთ, რომ "ენერგო-პრო ჯორჯიამ" კომპანია სემეკს ტარიფის კორექტირების თხოვნით მიმართა, ამის მიზეზი კი გახდა ის, რომ ელექტროენერგიის შესყიდვის საფასური მათ 30%-ით გაუძვირდათ.

რუსუდან ქიმერიძე