ელექტროენერგია შესაძლოა საგრძნობლად გაძვირდეს. „ენერგო პრო ჯორჯიამ“ სემეკს ტარიფის კორექტირების თხოვნით უკვე მიმართა. როგორც კომპანიის პრესსამსახურში განუცხადეს, ამის მიზეზი გახდა ის, რომ ელექტროენერგიის შესყიდვის საფასური მათ 30%-ით გაუძვირდათ.

„იმდენად გაძვირდა ელექტროენერგიის ფასი, რომელსაც აბონენტებისთვის ვყიდულობთ, რომ ბოლო თვეების განმავლობაში კომპანიის ყველა რესურსი ამ მიმართულებით იყო. ნელ-ნელა ეს რესურსიც იწურება და ამ ყველაფრის გათვალისწინებით სემეკში შევიტანეთ განაცხადი ტარიფის კორექტირებასთან დაკავშირებით. თუმცა გაძვირდება თუ რა მოხდება ეს არის სემეკის პრეროგატივა. დღეს დაიწყო ამ საკითხზე მსჯელობა“, - ამბობს „ენერგო პრო ჯორჯიას“ პრესსამსახურის უფროსი.

საბოლოო გადაწყვეტილება, გაიზრდება თუ არა ელექტროენერგიის ტარიფი, სემეკმა უნდა მიიღოს. ასვე მისი გადასაწყვეტია ტარიფის კორექტირება ფიზიკურ პირებს შეეხებათ თუ იურიდიულ პირებს.

ნინო დათაშვილი