თბილისში მდებარე პარლამენტის შენობასთან, სადაც ადვოკატთა ასოციაციის წევრები აქციას მართავენ, ინციდენტი მოხდა.

სიტუაცია მას შემდეგ დაიძაბა, რაც ადგილზე „თავისუფალი თაობის“ წევრი მივიდა. მან ზაზა ხატიაშვილს კითხვით მიმართა, რატომ იყო აქციაზე მოძალადე გიორგი ონიანი, თუ ისინი ადვოკატებზე ძალადობას აპროტესტებდნენ.

ამ კითხვას აქციის წევრების მხრიდან ხმაური მოჰყვა. ხატიაშვილის თქმით, აღნიშნული პიროვნება ირაკლი ღარიბაშვილისა და ბიძინა ივანიშვილის მიერ გამოგზავნილი ინტრიგანი იყო. ადგილზე სამათალდამცველები იყვნენ მობილიზებული, რომლებმაც „თავისუფალი თაობის“ წევრი ადგილიდან გაიყვანეს.

შეგახსენებთ, პარლამენტის შენობასთან ადვოკატთა ასოციაციის წევრები არიან შეკრებილი. ისინი ადვოკატებზე გამოვლენილი ძალადობის ფაქტების გამოძიებას ითხოვენ.