„პირადად მე, გამოვრიცხავ, შალვას ჩაედინოს ეს დანაშაული. ჯერ ერთი, იმიტომ რომ ზუსტად ვიცი, საქართველოში არ იმყოფებოდა. მეორე არანაირი მიზეზი არ არ ჰქონია მათ თავს დასხმოდა, მესამე და მთავარი მტკიცედ ჰქონდა განზრახული, კრიმინალური წარსულისთვის ზურგი ექცია! თანაც პოლიციელთა მიმართ ის არ იყო ნეგატიურად და ზიზღით განწყობილი. პირიქით, თუ რამე დარღვევას აწყდებოდა , რეაგირებისთვის პოლიციას მიმართავდა.“- აცხადებს ქრისტინე ციყელაშვილი და პოლიციას მასზე განხორციელებულ ზეწოლაში ადანაშაულებს:
„ვარკეთილში მომხდარი ტრაგედიის შემდეგ პოლიციელებიჩემს სახლში გინებით მოვიდნენ და ჩხრეკა მოაწყვეს. ყველაფერს აქეთ-იქით ისროდნენ, ისევ ნარკოტიკების ჩადებით მემუქრებოდნენ, მათგან არც გამკვირვებია. აკი შალვას მეგობრებს კიდეც ჩაუდეს.“
ქრისტინე ციყელაშვილის თქმით, ის შვილს სექტემბრისთვის ელოდება:
„იმედი მაქვს შალვა თავის უდანაშაულობის დამტკიცებას მოახერხებს და ამ დროისთვის უკვე ჩემს გვერდით იქნება“- აღნიშნავს ციყელაშვილი.
წყარო "ასავალ-დასავალი"
მასალის გამოყენების პირობები






