ანუკი არეშიძის ჩვენებას სხვა უამრავ სტუმართან ერთად საქართველოში მოდის სამყაროს ერთ-ერთი პირველი წარმომადგენელი ლიკა ყაზბეგიც ესწრებოდა. როგორც ირკვევა ანუკი არეშიძე „მოდის სიყვარულს“ სწორედ ლიკა ყაზბეგის დახმარებით ეზიარა.

ლიკა ყაზბეგი: „ანუკის გამორჩეულად ვგულშემატკივრობ, ჩემი მოდელი იყო, ჩემი მოსწავლე და ძალიან ბევრი რამის მომსწრე ვარ. ის ოცნებებიც ვიცოდი , რაც ანუკას ჰქონდა, ამაზე ხშირად გვისაუბრია.

მას ყოველთვის განსაკუთრებულად ვგულშემატკივრობ, არა იმიტომ რომ ჩემი მოდელი იყო, იმიტომ რომ ძლაიან მიზანდასახული ადამიანია, მსგავსი მართლა არასდროს არავინ მინახავს. დღეს ძალიან გახარებული ვარ, ამ პატარა სიფრიფანა გოგომ, ყველაფერს მიაღწია... კიდევ დიდი მიზნები აქვს და დიდი მომავალი, ამაში ძალიან დარწმუნებული ვარ.

ძალიან მინდა და ალბათ დადგება ის დრო რომ ჩვენ ვითანამშრომლოთ სხვაგვარად და მე ვიქნები არა მისი მასწავლებელი, არამედ მინდა რომ ჩემს პროექტში მოვიწვიო, როგორც წარმატებული ქალი პოდიუმზე, ვფიქრობ მისი კოლექცია ძალიან მოუხდება ჩვენს ცნობილ და წარმატებულ ქალბატონებს, მოგეხსენებათ უკვე ისეთი რანგის ქალბატონები არიან როგორც თმარ ივერია, ელისო ბოლქვაძე და ადვილად მოიხდენენ ანუკას კოსტიუმებს. ვფიქრობ რომ ანუკაც თანახმა იქნება“.