დღეს საქართველოს სოლიდარობის ფონდის მეგობრებისა და მხარდამჭერების თანადგომით 16 წლის ნანა ძვლის სიმსივნეზე ქირურგიული ოპერაციის ჩასატარებლად საფრანგეთში მიემგზავრება.

„ზაფხულის ბოლოს, აგვისტოს თვეში ბავშვს ასტკივდა ფეხი, ჩამოვედით თბილისში და კვლევებით დადგინდა მძიმე დიაგნოზი. ჩავიტარეთ ქიმიოთერაპიის 9 კურსი და მკურნალობისათვის მივიღეთ დაფინანსება სოლიდარობის ფონდიდან. მადლობას ვუხდი მთელს სოლიდარობის ფონდს, ვისაც წვლილი მიუძღვნის ამ ფონდის შექმნაში და თითოეულ მოქალაქეს, ვინც რასაც იღებს ჩვენი ბავშვებისათვის“ - აღნიშნავს ნანას დედა, ქალბატონი ეკა.

ნანას მკურნალობას სოლიდარობის ფონდი 2014 წლის შემოდგომიდან დღემდე აფინანსებს როგორც საქართველოში ქიმიოთერაპიის თანადაფინანსებით, ასევე საზღვარგარეთ კომპლექსური ძვლის ოპერაციის ჩასატარებლად.

საერთო ჯამში სახელმწიფო ჯანდაცვის პროგრამების დაფინანსების გარდა სოლიდარობის ფონდმა ნანას საზღვარგარეთ მკურნალობისათვის 25 000 ევრო, ხოლო საქართველოში ქიმიოთერაპიის დასაფინანსებლად 18 200 ლარი დაამტკიცა.

ნანას შემთხვევაში განსაკუთრებულია, რამდენადაც სოლიდარობის ფონდმა ბავშვის სამკურნალოდ არამხოლოდ ფინანსური მხარდაჭერა უზრუნველყო, არამედ ფონდის ექიმ-ექსპერტების უშუალო მონაწილეობითა და კონსულტაციებით მოხდა ბავშვისათვის მკურნალობის ინტეგრირებული და თანმიმდევრული ტაქტიკის შერჩევა.