ხულოს ადგილობრივი მოსახლეობა ჰესის მშენებლობაზე უსაფრთხოების ნორმების დარღვევაზე საუბრობს, სწორედ ამ მიზეზს უკავშირებენ ისინი გუშინ ორი ადამიანის გარდაცვალების ფაქტს, რომელთაგან ერთი ხულოს მკვიდრი გახლდათ, მეორე კი თურქეთის მოქალაქე. შემთხვევის შედეგად, კიდევ ერთი ადამიანია დაზიანებული, რომელიც ამჟამად საავადმყოფოშია მოთავსებული.

სოფელ ღურტას მოსახლეობამ, აღნიშნულ ფაქტთან დაკავშირებით საპროტესტო აქცია გამართა, სადაც ძირითადი მოთხოვნები - უსაფრთხოების ნორმების დაცვა, დაღუპულთა ოჯახებისთვის შესაბამისი კომპენსაციის გადახდა და საქათველოს და თურქეთის მოქალაქეების თანაბარ პირობებში ჩაყენება იყო.

მომხდართან დაკავშირებით კომენტარი გააკეთეს კომპანია „აჭარის წყალი - ჯორჯია“-ს ადმინისტრაციაში და განმარტეს, რომ ამ დროისთვის მიმდინარეობს გამოძიება უბედური შემთხვევის მიზეზების დასადგენად, მათ მიუსამძიმრეს დაღუპულთა ოჯახებს და სრული მხარდაჭერა გამოუცხადეს.

რუსუდან ქიმერიძე