ამერიკის სავაჭრო პალატა საქართველოს ხელისუფლებას აფრთხილებს

საზოგადოება - 21:58, 17 Apr, 2015

2382

ამერიკის სავაჭრო პალატა საგანგებო განცხადებას აქვეყნებს და ხელისუფლებას ბიზნესთან მიმართებაში გაფრთხილებას აძლევს. განცხადებაში ხაზგასმულია, რომ მედია საშუალებების მხრიდან ხშირად ხშირად აქვს ადგილი უსაფუძვლო კრიტიკას და დაუმსახურებელ ბრალდებებს კონკრეტული ბიზნესმენების მიმართ. ამერიკის სავაჭრო პალატა მიიჩნევს, რომ საჭიროა როორც საკანონმდებლო ცვლილებები, ასევე სათანადო სასამართლო გადაწყვეტილებები, წინააღმდეგ შემთხვევაში, შესაძლოა ზიანი მიადგეს საქართველოს, როგორ ბიზნესისთვის უსაფრთხო და სტაბილური ქვეყნის იმიჯს საერთაშორისო არენაზე.

"ბოლო დროს ზოგიერთი მედია საშუალების მიერ მიზანმიმართულად ვრცელდება ქართული ბიზნესისა და ბიზნესმენების მიმართ ყოვლად უსაფუძვლო და დაუმსახურებელი ბრალდებები, რასაც, სამწუხაროდ, არ მოჰყვება ადექვატური იურიდიული ზომები იმის გამო, რომ შემუშავებული არაა სათანადო ეფექტური კანონმდებლობა ცილისწამების წინააღმდეგ. ამის ბოლოდროინდელი ნათელი მაგალითია ყოვლად უსაფუძვლო და დაუსაბუთებელი ბრალდებები ამერიკის სავაჭრო პალატის დიდი ხნის და თვალსაჩინო წევრის "TBC ჯგუფისა" და მისი დამფუძნებლების მიმართ, ასეთი მდგომარეობა მიუღებელი და შეუთავსებელია კანონის უზენაესობასა და საერთაშორისო იურისპუდენციის სტანდარტებთან.

თუკი არ განხორციელდა შესაბამისი საკანონმდებლო ცვლილებები და არ იქნა მიღებული სათანადო სასამართლო გადაწყვეტილებები, შედეგად შესაძლოა საგრძნობი ზიანი მიადგეს არა მხოლოდ ამა თუ იმ მნიშვნელოვანი ბიზნესის და მისი წამმართველი ადამიანების რეპუტაციას, არამედ საქართველოს, როგორც ბიზნესისათვის უსაფრთხო და სტაბილური ქვეყნის, საერთაშორისო იმიჯს,"- ნათქვამია განცხადებაში.