საპატრიარქო სპეციალურ განცხადებას ავრცელებს

საზოგადოება - 18:31, 17 Apr, 2015

4133

სირიასა და ერაყში მიმდინარე ტრაგიკულ მოვლენების შესახებ კათოლიკოს-პატრიარქის მდივნის, მამა მიქაელ ბოტკოველის კომენტართან დაკავშირებით საპატრიარქო სპეციალურ განცხადებას ავრცელებს. განცხადება მედიას ალექსანდრე ნეველის სახელობის ტაძრის დეკანოზმა, ბიძინა გუნიამ გააცნო. მისი თქმით, მიქაელ ბოტკოველის კომენტარი დამახინჯებულად შეგნებულად გავრცელდა, რაც ეკლესიის დისკრედიტაციას ისახავს მიზნად.

"ამჯერად კი შევნიშნავთ, რომ მაშინ, როდესაც საქართველოს საპატრიარქო ყოველთვის გამოთქვამს თავის უარყოფით დამოკიდებულებას ტერორიზმის, მკვლელობების, უზნეობისა და ძალადობის წინააღმდეგ, როდესაც ეკლესიამ მუჰამედისა და საერთოდ, მუსლიმთა შეურაცხმყოფელი კარიკატურების გამო ჯერ კიდევ იმ დროს დააფიქსირა თავისი მკვეთრად უარყოფითი პოზიცია, როცა ძალზე ცოტა ქომაგი ჰყავდა ამ საქმეს, განა შეიძლება საქართველოს საპატრიარქოსთვის სულ ერთი იყოს ახლო აღმოსავლეთის ზემოაღნიშნულ ქვეყნებში მოქალაქეთა და მით უმეტეს, ქრისტიანთა ტანჯვისა და წამების ფაქტები?! "ქანდელი ასირიელი მორწმუნენი თანადგომის ნიშნად თვენახევრის წინ მიიღეს და დალოცეს სამების საკათედრო ტაძარში. ამა წლის 19 აპრილსაც, კვირაცხოვლობას, სამების საკათედრო ტაძარში და საქართველოს ყველა ეკლესიაში აღევლინება ლოცვა როგორც მართლამდიდებელ გარდაცვლილთა სულების საოხად, ისე აღნიშნულ რეგიონში მშვიდობისათვის", - ნათქვამია განცხადებაში.“- აღნიშნულია საპატრიარქოს განცხადებაში.

ამასთანავე საპატრიარქო მოუწოდებს ყველას რომ მსგავს ფაქიზ თემებთან დაკავშირებით, მეტად კორექტულები და წინდახედულები იყვნენ.

შეგახსენებთ, საპატრიარქოს პრეს-მდივნის მიქაელ ბოტკოველის განცხადება საინფორმაციო სააგენტოპ აქცენტმა გაავრცელა, როგორც "აქცენტს" ბოტკოველმა განუცხადა ასირიელი ქრისტიანებისთვის დახმარების გაწევა საპატრიარქოს პრეროგატივა არ არის. , “დევნა ბევრ ქვეყანაში მიმდინარეობს და ყველას რომ კარი გავუღოთ, ეს შესაძლოა სახელმწიფოსთვის სასურველი არ იყოს“.

"ეს საკითხი საპატრიარქოს პრეროგატივა არ გახლავთ. ამაში ვერ ჩავერევით. დევნა ბევრ ქვეყანაში მიმდინარეობს და ყველას კარი რომ გავუღოთ, ეს შესაძლოა სახელმწიფოსთვის სასურველი არ იყოს. ჩვენს მთავრობას აქვს ალბათ გარკვეული გეგმა. რაც შეეხება იმას, ვაპირებთ თუ არა რაიმე ინიციატივით მივმართოთ საქართველოს მთავრობას, აღნიშნულზე ინფორმაცია არ მაქვს. არ ვიმყოფები საქართველოში და არ ვიცი საპატრიარქოში რაიმე ინიციატივას განიხილავენ თუ არა", - განუცხადა "აქცენტს" ბოტკოველმა.