ლანჩხუთი ლელოსთვის ემზადება

საზოგადოება - 18:05, 11 Apr, 2015

3988

ყოველ აღდგომის დღესასწაულზე ლანჩხუთის მუნიციპალიტეტის სოფელი შუხუთი ტრადიციულ "ლელობურთს" მასპინძლობს. გამონაკლისი არც წლევანდელი წელია და შუხუთში სტუმრებსაც ელიან, მოსაწვევები უკვე დარიგებულია ქვეყნის რამდენიმე მუნიციპალიტეტსა და ქალაქში, სტუმრები თბილისიდანაც იქნებიან.
სადღესასწაულო ღონისძიებებს წელს ორგანიზებას მუნიციპალიტეტის კულტურის სამსახური და კულტურის ცენტრი ერთობლივად უწევენ.
ღონისძიება აღდგომა დღეს, 12 აპრილს ზუსტად 12 საათზე დაიწყება. თავდაპირველად სპორტული სანახაობები მოეწყობა ფეხბურთსა და ჭიდაობაში.
სპორტული სანახაობების შემდეგ შუხუთის ადმინისტრაციული შენობის წინ გაშლილი იქნება სუფრა, სადაც ლანჩხუთელები სტუმრებს სააღდგომო კვერცხებითა და პასქებით, ასევე გურული ადესით გაუმასპინძლდებიან .
ღია სცენაზე გაიმარეთება ლანჩხუთის კულუტრის ცენტრის ანსამბლების "ხელხვავისა" და "მხედრების" კონცერტიც. ლელობურთისთვის საგანგებოდაა მოწვეული ანსამბლი "ბანი", რომელიც ლანჩხუთელ მსმენელებს მრავალფეროვან რეპერტუარს შესთავაზებს.
ამ ღონისძიებების შემდეგ, 17 საათზე შუხუთის წმინდა გიორგის ტაძრის მოძღვარი, დეკანოზი საბა (ჟღენტი) ტრადციულად ააგდებს ლელობურთს და ამ ისტორიულ თამაშში ერთმანეთს ისევ ზემო და ქვემო შუხუთელები გაეჯიბრებიან.

თეა იოსელიანი-გურია