თბილისის სასწავლო უნივერსიტეტს ირანის ელჩი ესტუმრა

საზოგადოება - 14:44, 08 Apr, 2015

582

თბილისის სასწავლო უნივერსიტეტს ირანის ისლამური რესპუბლიკის ელჩი აბას თალები ფარი, ელჩის პირველი მოადგილე და კულტურული ატაშე ესტუმრნენ. უნივერსიტეტის რექტორტან, სოლომონ პავლიაშვილთან გამართულ შეხვედრაზე მხარეებმა თბილისის სასწავლო უნივერსიტეტსა და ირანის წამყვან უნივერსიტეტებს შორის ურთიერთთაამსრომლობის მემორანდუმის გაფორმებაზე ისაუბრეს. მემორანდუმი ერთობლივ კვლევებს, აკადემიური პერსონალის გაცვლასა და ირანის ისლამური სახელმწიფოს აბიტურიენტებში თბილისის სასწავლო უნივერსიტეტის პოპულარიზაციას ითვალისწინებს.

შეხვედრაზე ბატონმა ელჩმა პოზიტიურად შეაფასა საქართველოში არსებული უმაღლესი განათლების სისტემა და აღნიშნა, რომ მნიშვნელოვანია და მისასალმებელია ის დადებითი ტენდენცია, რაც ქართული უმაღლეს სასწავლებლებში ხდება, მაგრამ აუცილებელია მისი უფრო მეტი პოპულარიზაცია საქართველოს ფარგლებს გარეთ.

თბილისის სასწავლო უნივერსიტეტის რექტორმა, პროფესორმა სოლომონ პავლიაშვილმა ელჩს მიაწოდა დეტალური ინფორმაცია თბილისის სასწავლო უნივერსიტეტის პროგრამების, ინფრასტრუქტურის, აკადემიური პერსონალისა და სამომავლო ამოცანების შესახებ.

„თბილისი სასწავლო უნივერსიტეტი სექტემბრიდან საბაკალავრო პროგრამებზე შესაბამისი რეგულაციების გავლის შემდეგ, მზად იქნება, მიიღოს აბიტურიენტები ირანიდან. ამ საკითხთან დაკავშირებით მიმოწერა მაქვს ირანის ისლამურ რესპუბლიკაში საქართველოს ელჩთან, ბატონ იოსებ ჩახვაშვილთან,“ - აღნიშნა სოლომონ პავლიაშვილმა.

ირანის ელჩმა დაათვალიარა თბილისის სასწავლო უნივერსიტეტის ინფრასტრუქტურა, ასევე, მშენებარე კორპუსი. ირანელმა დიპლომატმა უნივერსიტეტის ხელმძღვანელობას სრული მხარდაჭერა აღუთქვა ირანის ისლამურის სახელმწიფოს მეცნიერების, კვლევის და ტექნოლოგიის სამინისტროსთან ურთიერთობაში, რათა თბილისის სასწავლო უნივერსიტეტი იმ სიაში მოხვდეს, რომელის დიპოლომსაც აღნიშნული სამინისტრო აღიარებს. ცნობისთვის: ირანის შესაბამისი სამინისტრო მხოლოდ ივანე ჯავახიშვილის სახელმწოფო უნივერსიტეტის, სტუ-ს, ილიას, სახელმწიფო სამედიცინო უნივერსიტეტების, კონსერვატორიისა და სამხატროა აკადემიის დიპლომებს აღიარებს.

მალე თბილისის სასწავლო უნივერსიტეტის რექტორი, სოლომონ პავლიაშვილი,

ელჩის მიწვევით, ირანს ეწვევა.