ქუთაისში მელიქიშვილის ქუჩაზე, მრავალსართულიანი კორპუსისი ეზოში ძლიერმა ქარმა ორი ხე მოგლიჯა.
ხეები ახლოს მდგომ ავტომობილებს დაეცა, თუმცა შემთხვევის შედეგად არავინ დაშავებულა.
ხეებისგან მანქანები სამაშველო სამსახურმა გაათავისუფლა. ეზოს გაწმენდითი სამუშაოები დღეს დილიდან მიმდინარეობს.
ძლიერი ქარი იყო ბათუმშიც, სადაც უამინდობის შედეგად რამდენიმე ადამიანი დაშავდა, ასევე დაზიანდა საცხოვრებელი სახლის სახურავები.
"6 მაისის" პარკში ძლიერმა ქარმა ხე მოგლიჯა, რომელიც ჯიხურს დაეცა. ადგილზე სამი პირი იმყოფებოდა. როგორც ცნობილია, ერთი პირი ჯიხურიდან თავად გამოვიდა, ორს დახმარება დასჭირდა. აბაშიძის ქუჩაზე კი მამაკაცი დაშავდა. ამის მიზეზი ფოსტის შენობაზე სამშენებლო კონსტრუქციის ნაწილის ჩამოშლა გახდა. დაშავებული დამეციდინო დაწესებულებაშია გადაყვანილი.
სტიქიის შედეგად მიყენებული ზარალის დათვლა ბათუმში უკვე დაიწყეს.
მასალის გამოყენების პირობები






