"ტელევიზორით მაფრთხილებენ თავს გაუფრთხილდიო.. საქართველოში არ არის ადამიანი დაცული"- ხაზარაძე

საზოგადოება - 23:28, 07 Apr, 2015

2367

ბიზნესმენმა მამუკა ხაზარაძემ გადაცემა „არჩევანში“ მის წინააღმდეგ წარმოებულ კამპანიაზე ისაუბრა და აღნიშნა, რომ ამ კამპანიაში უშიშროების ყოფილი გენერლები, ოფიცრები, დანაშაულში მხილებული ადოკატები და კრიმინალური წარსულის მქონე ადამიანები არიან ჩართულები. ხაზარაძის თქმით საქართველოში ადამიანები დაცულნი არ არიან:

"ჩვენ ამ გაზეთს „ასავალ-დასავალს“ მოვუგეთ სასამართლო, ყველა იმ ბრალდების უკუგებით და გაბათილებით, სამწუხაროა ის ფაქტი რომ საქართველოში არ არის ადამიანი დაცული და ჩვენ ნამდვილად ვერ ვგრძნობთ თავს დაცულად. აქ არ იგულისხმება მარტო კრიმინალლური სიტუაცია, რომელიც უკვე წამოვიდა ქვეყანაში, არამედ თვითონ ის ფონი,რომელიც უკვე შეიქმნა ქვეყანაში და ის რომ მათ შეუძლიათ უკვე კალმით და სიტყვით გაილაშქრონ და პასუხი არ მოეთხოვოთ, ეს დაუცველობაა. ასეთი რამ არც ერთ ქვეყანაში არ ხდება. იმიტომ რომ ადამიანის ღირსება არის ის უპირველესი, რაც უნდა იყოს დაცული კანონმდებლობით”- განაცხადა ხაზარაძემ და „არჩევანის“სტუდიაში მყოფ დეპუტატებს კანონმდებლობის გადახედვისკენ მოუწოდა.

„არ შეიძლება ერთი წელი სასამართლოში ამტკიცო ის რაც არ გაგიკეთებია, შემდეგ მოიგო სასამართლო და იმ სუბიექტმა, რომელიც ერთი წლის განმავლობაში ცილს გწამებდა და რომელმაც წააგო, გააგრძელოს კვლავ აღვირახსნილი კამპანია“- აღნიშნა ხაზარაძემ.

ხაზარაძის თქმით ეჭვმიტანილ აბულაძეს ექმნება ისეთი ისტორია თითქოს, მისი კრიმინალურ სამყაროსთან დაბრუნება მოხდა ზეწოლების ხარჯზე. ხაზარაძის განცხადებით ის „ბორჯომის“ ბიზნესიდან გამოსულია და მას არანაირი ინტერესი არ ქონია ამ კომპანიასთან.

ხაზარაძე ელისო კილაძის განცხადებასაც გამოეხმაურა, რომელმაც განაცხადა, რომ ხაზარაძეს შესაძლოა აბულაძის მხრიდან საფრთხე ემუქრებოდეს და ბიზნესმენს დამატებიტი უსაფრთხოების ზომების მიღება ურჩია

„ტელევიზორით რომ მაფრთხილებენ თავს გაუფრთხილდიო, ე.ი ვერ ვართ კარგად. ამ ქალაქში დავიბადე და გავიზარდე და არავითარი დამატებითი ზომების მიღებას არ ვაპირებ.“- განაცხადა ხაზარაძემ.