დღეს საკრებულომ, მოქალაქეთა პროტესტის მიუხედავად შინაური ცხოველების შესახებ მოვლა-პატრონობის წესი დაამტკიცა.

საკრებულოს თავმჯდომარე გია ალიბეგაშვილმა განმარტება გააკეთა: „არასწორედ ვრცელდება ინფორმაცია. ევთანაზიას არ ითვალისწინებს ეს კანონი გარდა განსაკუთრებული შემთხვევებისა. რეგულაციები რომელიც დამტკიცდა შეესაბამება საერთაშორისო ნორმებს. ცხოველის ტარებასთან დაკავშირებით არსებული ნორმა ითვალისწინებს შემდეგს. თუ ძაღლს ასეირნებთ გრძელი საბმელით უნდა გაუგეკოთ ალიკაპი, მოკლე საბმელის შემთხვევაში ალიკაპი საჭირო არ არის,"

შეგახსენებთ, რომ ნორმატიულ აქტში გაწერილი პუნქტების ნაწილს არ ეთანხმებიან ცხოველთა უფლებების დამცველები. მათი განმარტებით, ახალი წესი არ ითვალისწინებს ცხოველთა პატრონების უფლებებს. აქციის წევრები საკრებულოს შენობასთან შინაურ ცხოველებთან ერთად მივიდნენ და შენობის ყველა შესასვლელი გადაკეტეს.