საბურთალოს რაიონის გამგეობამ სოციალურად დაუცველი მოსახლეობისათვის სააღდგომო საჩუქრების დარიგება დაიწყო.

სასაჩუქრე კალათები, რომელშიც ბენეფიციარი ოჯახების კატეგორიების შესაბამისი რაოდენობით შედის კვერცხი, პასკა და შავი ღვინო, საბურთალოს რაიონში მდებარე უფასო სასადილოებში დილიდან მიიტანეს.

სასაჩუქრე კალათები გათვალისწინებულია 1-დან 3-სულიანი 870 ოჯახის, 4 და მეტი წევრის მქონე 396 ოჯახის, ასევე, საქართველოს უსინათლოთა კავშირის 76 წევრისა და საქართველოს უსინათლოთა საზოგადოების 6 წევრისათვის.

საბურთალოს რაიონის გამგებლის მოადგილემ პირადად მოინახულა რაიონის უხუცესი ვეტერანი, 102 წლის პოლიექტორ ჭელიძე. გაიოზ ვასაძე საქართველოს უსინათლოთა კავშირშიც იმყოფებოდა, სადაც ორგანიზაციის თავმჯდომარეს, ლაშა ცაიშვილს შეხვდა.

საბურთალოს რაიონში მცხოვრებ სამამულო ომის 93 ვეტერანს კი რაიონის გამგეობის თანამშრომლებმა სააღდგომო ნობათი ოჯახებში მიუტანეს.