კანონით შეფუთული მონათმფლობელობა- დასაქმებულთა ნახევარზე მეტი თვეში 400 ლარზე მეტს ვერ იღებს

ბიზნესი & ეკონომიკა - 11:52, 07 Apr, 2015

5099

დაუბეგრავი მინიმუმის მისაღებად შემოსავლების სამსახურში დეკლარაცია უკვე 300 ათასზე მეტმა ადამიანმა შეავსო. ეს კი იმას ნიშნავს, რომ საქართველოში დაქირავებით დასაქმებულთა დაახლოებით ნახევრის თვიური ხელფასი ხელზე ასაღებ 400 ლარს არ აღემატება. ამ დროს, სტატისტიკური გათვლებით, ქვეყანაში საშუალო ხელფასი 850 ლარამდეა.

ექსპერტების განცხადებით დაუბეგრავი მინიმუმის მისაღებად შევსებული დეკლარაციების მარალი რაოდენობა იმაზე მიუთითებს, რომ დღეს დასაქმებულთა დიდ ნაწილს არც ისე დიდი შემოსავალი აქვს. დაუბეგრავი მინიმუმის დეკლარაციის მიხედვით ჩანს, რომ დაქირავებულ დასაქმებულების ნახევარი 400 ლარს ან უფრო ნაკლებს იღებს თვეში. არსებობს უზარმაზარი დიფერენცია იმ კატეგორიის ადამიანებს შორის ვისაც აქვს 500 ლარამდე ხელფასი და იმათ შორის, ვისაც სავარაუდოდ აქვს 500 ლარზე გაცილებით მეტი. ხელფასებს შორის თანაფარდობა არის ძალიან დიდი, როდესაც მინისტრს, დეპუტატს აქვს ხლფასი რამდენიმე ათასი ლარი, ხოლო რიგით დასაქმებულს მიზერული, ეს მიუთითებს რომ საქმე საკანონმდებლო ფორმით შეფუთულ მონათმფლობელობასთან გვაქვს, ექსპერტების განცხადებით ქვეყანაში საშუალო ფენა არ არსებობს.