გადაუდებელი სამუშაოების განხორციელების გამო რამდენიმე უბანს წყალმომარაგება შეუწყდება

საზოგადოება - 10:30, 07 Apr, 2015

3741

კომპანია „ჯორჯიან უოთერ ენდ ფაუერი“ დღეს საღამოდან, სოფელ დიღომში, გადაუდებელ ტექნიკურ სამუშაოებს განახორციელებს. საავარიო-სარეაბილიტაციო სამუშაოები ჩაუტარდება 1200 მმ-იანი IV მაგისტრალური წყალდენის სოფელ დიღომში გამავალ მონაკვეთს. სამუშაოების ჩატარება წყალსადენის მაგისტრალური ქსელების წყლისგან დაცლას ითხოვს.

გადაუდებელი ტექნიკური სამუშაოების განხორციელების მიზნით, დღეს, 17:00 საათიდან 8 აპრილის დილის 08:00 საათამდე წყალმომარაგება შეუწყდება:

· ლუბლიანას ქუჩის ნაწილს, დიღომ-8-ს, ამერიკის საელჩოს, მტკვრის მარჯვენა სანაპიროზე მდებარე ობიექტებს, ჯორჯ ბალანჩინის, ფანასკერტელის, იყალთოს, ქარელისა და ლიხაურის ქუჩებს

· მთაწმინდისა და კრწანისის რაიონების ქუჩების ნაწილს.

„ჯორჯიან უოთერ ენდ ფაუერი“ შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება ხვალ, 8 აპრილის დილის 08:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის“ ოფიციალურ Facebook-გვერდზე და ვებგვერდზე -

http://www.georgianwater.com/ka/gadaudebeli ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ) და ვებგვერდის ინტერნეტ-ჩეთს.