,,ნუთუ ასე ძვირი ღირს უნიტაზის და შხაპის მოწესრიგება?“ - მუსიკოსის პროტესტი ფილარმონიის ადმინისტრაციას

კულტურა - 21:44, 04 Apr, 2015

4028

ალტისტი გიორგი ცაგარელი, ფილარმონიის ადმინისტრაციას ''ფეისბუქის'' საშუალებით მიმართავს.მუსიკოსი საკონცერტო დარბაზში იმ ელემენტარული პირობების მოწესრიგებას სთხოვს, რაც აუცილებელი პირობაა მუსკოსებისთვის რეპეტიციიდან კონცერტამდე ყოფნის პერიოდში.

''თბილისის საკონცერტო დარბაზის ადმინისტრაცია! გვეცით პატივი! ასეთი დიდ თანხის სანაცვლოდ ელემენტარული პირობები მაინც შეგვიქმენით! 2007 წლიდან ხშირად მიწევს სხვადასხვა კონცერტებზე დაკვრა თბილისის საკონცერტო დარბაზში (ე.წ. ფილარმონიაში).

2014 წლის სექტემბრიდან მოყოლებული რვა კონცერტზე მომიწია დაკვრა, შესაბამისად რვაჯერ მქონდა სცენის სართულზე გამოყოფილი საარტისტო ოთახი, სადაც მთელი დღის განავლობაში მიწევს რეპეტიციიდან კონცერტამდე ყოფნა. ლოგიკურია, რომ მთელი დღის გაოფლიანებულს (ბოდიში, დაკვრისას ასე ხდება) მჭირდება შხაპის მიღება, თავის მოწესრიგება და ტუალეტით სარგებლობა.

აი დირიჟორს, ორკესტრის წევრებს კი ფაქტიურად დილიდან ღამემდე დასვენების გარეშე უხდებათ რეპეტიციების ჩატარება, რადგან დარბაზის იჯარა 14 000 ლარი ( განათების და ხმის რეჟისიორების გარდა) ჯდება და მთავარი რეპეტიციაც და კონცერტიც ერთი და იგივე დღესაა.

ანუ მე და სხვა სოლისტებს თუ გაგვიმართლა, ჩვენი ნაწარმოებები რეპეტიციაზე გავიარეთ ისეთ დროს, რომ მერე კონცერტამდე სახლში გავარდეთ, მოვწესრიგდეთ და უკან მოვბრუნდეთ - "ბედნიერები" ვართ. აი, ორკესტრის მუსიკოსებს, ბენდს, დირიჟორს და ა.შ. ამის დრო არ აქვთ.

ბევრჯერ მოვითმინე და მივხდი, რომ ამხელა თანხის სანაცვლოდ, ელემენტარული პირობები არ უნდა გვქონდეს სანატრელი! ახლოვდება 23 და 24 აპრილის კინო მუსიკის კონცერტები და ისევ ასეთ სტრესში მოგვიწევს ყოფნა... ეს ყველაფერი ძალიან გულდასაწყვეტია... ნუთუ ასე ძვირი ღირს უნიტაზის და შხაპის მოწესრიგება?''