უკრაინის გენერალური პროკურორის მოადგილისა და „ნაციონალური მოძრაობის“ ყოფილი წარმომადგენლის, დავით საყვარელიძის თქმით, საქართველოს პროკურატურაში მუშაობისას, ყველაზე დიდი ქრთამი, რომელიც მას შესთავაზეს და უარი თქვა, თვეში 10 მილიონ დოლარს წარმოადგენდა.

გამოცემა „უნიანის“ ცნობით, ეს განცხადება საყვარელიძემ ერთერთი სატელეფონო საუბრისას გააკეთა.

საყვარელიძის განცხადები, საქართველოს პროკურატურაში არსებული პრაქტიკის მიხედვით, ქრთამის შეთავაზების შემთხვევაში, პროკურორი ვალდებულია ფაქტის შესახებ გენერალურ ინსპექციას აცნობოს. წინააღმდეგ შემთხვევაში, მის წინააღმდეგ შიდა მოკვლევა და ზოგჯერ სისხლის სამართლის საქმეც აღიძვრება. გენპროკურორის მოადგილეს, მსგავსი პრაქტიკის დანერგვა უკრაინაშიც სურს.

გამოცემის ინფორმაციით, დავით საყვარელიძე თავისი ხელფასით უკმაყოფილოა და აცხადებს, რომ საქართველოში 2 000 დოლარით მეტი ანაზღაურება ჰქონდა და ამჟამინდელი 6 ათასი გრივნა არ აკმაყოფილებს. მისი თქმით, ყველაფერს გააკეთებს, რათა ამ წელსვე მისი და პროკურატურის თანამშრომლების ხელფასი 40-45 %-ით გაიზარდოს.

ხატია ლაღიძე